|
Z ************************************************************** [P. 973] Zabarella Paulus, natione Italus, Patria Patricius Patavinus, Alumnus
Provinciae Marchiae Tarvisinae, Filius Coenobii Patavini. Ad initium Saeculi
16, nempe die 25 Julii anno 1525, mors ei oculos clausit. Erat Ordinis nostri grande
decus et illustre ornamentum, Divini Verbi Declamator fervidus, et inter
omnes suae aetatis Oratores longe primus, mira altitudine ingenii et omnium
scientiarum varietate excultus, lectissimis suis moribus cunctos in
admirationem sui facile convertit. Anno 1491 ad munus
Provincialis Marchiae Tarvisinae et anno 1504 die 20 Martii ad
infulam titularem Episcopalem Argolicensem assumptus, postea Archi-Episcopus
Pariensis, non Parisiensis ut aliqui male scribunt, et Vicarius Generalis in
spiritualibus Eminentissimi Cardinalis Marci Cornelii, Episcopi Patavini
exstitit. Memoriam ejus vivaciorem reddunt scripta nobis relicta, exaravit
enim:
|
|
Opus de
reformatione Ecclesiae ad Clementem VII. M. S. est in Bibliotheca Vaticana,
teste Josepho Pamphilo, qui hoc se ibi legisse ait. |
|
Volumina II Concionum
Italicarum. Elegantes
Orationes omnis generis. Enuntiationem
in psalmos poenitentiales. Librum de natura
mirabilibus. Christianus Jöcher in
universali Lexico Eruditorum, tomo IV, col. 2128. Josephus Pamphilus in Chronicis Ordinis
nostri, fol. 100. Romae 1581. Thomas Gratianus in Anastasi Augustiniana, pag. 150. Antuerpiae 1613. Nicolaus Crusenius in Monastico Augustiniano,
parte III, cap. 33, pag. 187. Monachii 1623. Thomas de Herrera in Alphabeto Augustiniano, tomo II, pag. 267, col. II. Madriti 1644. [P. 974] Philippus Elssius in Encomiastico Augustiniano, pag. 556. Bruxellis 1654. Luigi Torelli ne’ Secoli Agostiniani, tomo VIII, carte 126, num. 79. Bologna 1686. Dominicus Antonius Gandolfus in dissertatione historica de 200 Scriptoribus Augustinianis pag. 291. Romae 1704. Franciscus Savonarola Paulo
Zabarella hoc Epitaphium posuit: Doctus adit coelum facundo carmine Flaccus, / Et dedit Euganei lumen uterque soli. / Nomen ad
aethereum Patavi lux mittit Olympum, / Romanae princeps Livius historiae. / Paulus in eloquio, Corneli, numine coelum / Possidet,
Aonias hunc sacer
ambit aquas. / Quantum aliis
igitur numeris, aut ore soluto / Antenor debet tam Zabarella tibi. ************************************************************** Zacchi
Beniaminus,
natione Italus, vixit Saeculo 17. S. Theologiae Lector, vir in Theologico
studio excellens, Concionator egregius, profunda doctrina ac fervida
eloquentia decoratus, felicis ingenii sui ac facundiae dedit argumenta in
lingua italica: Le grandezze della gran
Madre di Dio Maria Vergine espresse in dieci discorsi in Padova 1667, in 4. L’eccellenze della sacra
cintura di Maria Vergine Madre di Dio, e di consolatione. In Bologna 1660, in
4. Exstant in nostra Bibliotheca Monacensi. ************************************************************** Zacconi
Ludovicus,
natione Italus, Alumnus Provinciae
Marchiae Anconitanae, Filius Coenobii Pisaurensis, vixit Saeculo 17.
Celebris Musicus et Historicus accuratus, cujus testes sunt opera hic
exposita videlicet: Musica practica. Compendium vitarum
Sanctorum. Vita B. Antonii de
Amandula. Vita e miracoli del
glorioso Padre S. Nicola da Tolentino. In Pesaro 1624. Habetur in nostra
Bibliotheca Monacensi. Thomas de Herrera in Alphabeto Augustiniano, tomo II, pag. 25, col. I. Madriti 1644. Philippus Elssius in Encomiastico Augustiniano, pag. 444. Bruxellis 1654. ************************************************************** Zacharias de Bozonis, vide Lit. B. de Bozonis Zacharias. Zacharias Ferrarius, vide Lit. F. Ferrarius Zacharias. ************************************************************** Zacharias Savonensis, natione Italus, Patria
Ligur, Alumnus Provinciae Lombardiae, Filius Coenobii Savonensis. Ad initium Saeculi 16, scilicet
die 20 Octobris anno 1504 finem vitae imposuit. [P. 975] S. Theologiae Magister. Anno 1498 Sacrarii
Pontificii custos renuntiatur, vir omni literatura doctissimus nobis
reliquit: Tractatum
de ritibus, qui M.S. exstat et asservatur Romae in Bibliotheca Vaticana. Augustinus Oldoinus in Atheneo Ligustico, pag. 542. Perusiae 1680. Josephus Pamphilus in Chronicis Ordinis
nostri, fol. 97 e 99. Romae 1581. Luigi Torelli ne’ Secoli Agostiniani, tomo VII, carte 550, num. 13. ************************************************************** Zachariae
Joannes,
natione Helvetus, Alumnus Provinciae Thuringo- Saxonicae, Filius Coenobii Eschwegensis, ad
initium Saeculi 15, nempe die 25 Julii anno 1428 ad aeternam requiem transivit.
Teste Joanne Trithemio de Scriptoribus Ecclesiasticis, erat vir in divinis
Scripturis studiosus et valde eruditus, saecularis quoque Philosophiae
interpres egregius, ingenio subtilis et disputator acutissimus, in
declamandis sermonibus tam ad Clerum quam populum peridoneus. Absolutis in
Academia Oxoniensi in Anglia studiis Reverendissimus P. Generalis Joannem,
Lectorem constituit, postea Professorem publicum in florentissima
Universitate Erfordiensi egit, et cum aliis ex Ordine nostro Concilio
Constantiensi interfuit, in quo propter frequentes disputationes, quas cum
Joanne Huss haeresiarcha iniit, in quibus semper victor evasit, Husso Mastix
cognominatus; et a Summo Pontifice in remunerationem victoriae aurea rosa,
quae Principibus mitti solet, donatus fuit. Eapropter Herbipoli in coenaculo
nostri monasterii cum aurea rosa depictus videbatur cum hoc insigni elogio:
hic homo magnae sanctitatis cum immanissimo haeretico Joanne Hussio, coram
Concilio Constantiensi pro fide Christi ad ignis supplicium certamen aggredi
voluit, quem Deo propitio superans igne cremari fecit, atque triumphum
gloriosum reportavit. S. Theologiae Doctor Bononiae creatus, et ut talis in
Universitate Erfordiensi receptus, saepius munus Provincialis Saxoniae non
sine laude peregit. Anno 1410 a
Senatu Erfordiensi Romam ad sedem Apostolicam in quibusdam negotiis missus
fuit. Lapis sepulchralis in antiqua nostra Ecclesia modo a Lutheranis
occupata adhuc superest cum ejusdem effigie et rosa Pontificia hacque
inscriptione: Anno Domini 1428 die 25 Julii obiit vir
Venerabilis Joannes Zachariae de rosa, Sacerdos S. Nicolai, Protector hujus
Conventus. Cujus anima requiescat in pace.
[P. 976] Vestigia profundissimae
doctrinae ac eruditionis inclyti
hujus viri in sequentibus operibus habemus, nam scripsit: Libros IV in Magistrum sententiarum. Comment.
in Genesim. Librum
in exodum. |
|
Librum in Leviticum. |
|
Libros quatuordecim in
Epistolas Divi Pauli. Libros III in Apocalypsim. Tractatum
de immaculata Conceptione. Determinationes
varias. Sermones
multos, quorum volumina II in Bibliotheca Benedictinorum, Coenobii Reichenaw
existunt. Sermo in Concilio
Constantiensi anno 1415 habitus M. S. servatur in Bibliotheca Caesarea
Vindobonensi num. 527 sub hoc titulo: Sermo praedicatus in Concilio Constantiensi in die S.
Michaelis per Fr. Joannem Zachariae, S. Theologiae Professorem Ordinis
Heremit. S. Augustini in illud: gratia vobis et pax.
Incipit: hoc thema est valde authenticum. Joannes
Trithemius de Scriptoribus Ecclesiasticis, pag. 293. Coloniae
1546. Guilielmus Eysengrein in
catalogo testium veritatis, fol. 157. Dilingae 1565. Christophorus
Motschmann in Erfordia literata. In Bibliotheca Conradi Gesneri per Iosiam
Simlerum recognita et in duplum aucta, pag. 427, col. II. Tiguri 1574. In eadem Bibliotheca per Joannem Jacobum Frisium
ex Bibliotheca Caesarea Viennensi amplificata, pag. 513. Tiguri 1583. Petrus de Alva in Bibliotheca Conceptionis, col.
859. Coloniae 1491. Paulus Langius in Chronico
Citicensi. Carolus Chartarius nel
libro la rosa d’oro Pontificia. Sixtus Senensis in catalogo
Expositorum Sanctae Scripturae. Hippolytus Marraccius in appendice ad Bibliothecam
Marianam, pag. 71,
col. I. Coloniae 1683. Albertus Fabricius in
Bibliotheca latina mediae et infimae aetatis, sive latinitatis, libro IX,
pag. 581. In eadem Bibliotheca per
Joannem Dominicum Mansi correcta, illustrata et aucta, tomo IV, pag. 171,
col. I. Patavii 1754. Christianus Jöcher in
universali Lexico Eruditorum, tomo IV, col. 2132. Joannes de Meppis in tractatu de Conceptione. Felix Milensius in Alphabeto, pag. 68. Pragae 1613. Thomas Gratianus in Anastasi Augustiniana, pag. 125. Antuerpiae 1613. Thomas de Herrera in Alphabeto Augustiniano, tomo I, pag. 467, col. II. Madriti 1644. Philippus Elssius in Encomiastico Augustiniano, pag. 410. Bruxellis 1654. Luigi Torelli ne’ Secoli
Agostiniani, tomo VI, carte 586, num. 3. [P. 977] Dominicus
Antonius Gandolfus in dissertatione historica de 200 Scriptoribus
Augustinianis, pag. 238. Romae 1704.
Antoninus Höhn in Chronologia Provinciae Rheno-Svevicae, pag. 86. ************************************************************** Zapata et
Sandoval Joannes, natione Hispanus, Patria Mexicanus, Alumnus Provinciae Mexicanae,
Filius Coenobii ad S. Augustinum Mexici, vixit Saeculo 17. S. Theologiae Magister in
Academia Mexicana per duodecim annos Theologiam docuit, dein Vallisoletum ad
hoc officium vocatus, simulque Regens studiorum Collegii Vallisoletani S
Gabrielis constitutus fuit. Paulus V Pontifex Maximus die 13 Novembris anno
1613 eum ob egregias animi dotes Episcopum Chiapensem, et Gregorius XV die 13 Septembris anno 1621 Guatimalensem in Indiis
Occidentalibus creavit. Fuit vir humanis, divinisque
scientiis decoratus, subtilis ingenii, nec non eruditionis et doctrinae
singularis. Hominem exuit anno 1630 et aeternitati hosce partus sui
intellectus consecravit: Opus de justitia
distributiva, et acceptione personarum ei opposita pro novi Indiarum orbis
rerum Moderataribus, summisque Conciliariis elaboratum. Pinciae 1609, in 4. |
|
Comment. in primam partem Divi Thomae Doctoris Angelici. |
|
Nicolaus
Antonius Hispalensis in Bibliotheca Hispana, tomo I, pag. 613, col. I. Christianus Jöcher in
universali Lexico Eruditorum, tomo IV, col. 2153. Nicolaus
Crusenius in Monastico Augustiniano, parte III, cap. 47. Thomas de Herrera in Alphabeto Augustiniano, tomo I, pag. 444, col. II. Madriti 1644. Philippus Elssius in Encomiastico Augustiniano, pag. 411. Bruxellis 1654. ************************************************************** de Zarate
Ferdinandus,
natione Hispanus; Patria Madritensis, Alumnus Provinciae Bethicae, Filius
Coenobii Cordubensis, vixit Saeculo 16. S. Theologiae Doctor Ossunensis et in
hac Universitate publicus Theologiae Professor; vir in variarum artium
notitiam propensus, bonitate, praestantiaque ingenii nulli cessit, et ideo docendo
atque scribendo laudem haud vulgarem adeptus est, quam per hic posita sua
opera magnopere auxit, composuit enim in patria lingua: Discursus
de la paciencia christiana. Certamen Conceptionis Dominae
nostrae. Valenctiae 1586, in 8. De imagine sacra Deiparae dictae de la Oliva. Napoli 1634. Nicolaus
Antonius Hispalensis in Bibliotheca Hispana, tomo I, pag. 301, col. I. Hippolytus
Marraccius in appendice ad Bibliothecam Marianam, pag. 35, col. II. Coloniae
1683. Christianus Jöcher in
universali Lexico Eruditorum, tomo IV, col. 2155. Thomas Gratianus in Anastasi Augustiniana, pag. 68. Antuerpiae 1613. [P. 978] Thomas de Herrera in Alphabeto Augustiniano, tomo I, pag. 251, col. I. Madriti 1644. Philippus Elssius in Encomiastico Augustiniano, pag. 195. Bruxellis 1654. ************************************************************** Zellner
Valerianus,
natione Germanus, Patria Bavarus Eberspergensis, Alumnus Provinciae
Bavaricae. Vixit Saeculo 18. Erat Lector Philosophiae et Historiae, nec non
Secretarius ac Diffinitor Provinciae; vir magnae spei et exquisitae
eruditionis, qui literis politioribus tanta animi contentione incubuit, ut
successu temporis primis accenseri potuisset, verum hac spe Provincia nostra
per praematuram mortem privata fuit, obiit enim Monachii die 19 Februaurii
anno 1763, aetatis 45. Operum ejus scriptorum et typis divulgatorum index est
subsequens: Rhetorica sacra, seu norma
accurate et utiliter concionandi. Ratisbonae 1479. Ex Officina Zunkeliana,
in 8. Via brevis et perspicua
perveniendi ad Epistolarum notitiam. Ratisbonae 1750, typis Joannis Baptistae Lang, in 8. Dissertatio historico-dogmatica de Primatu
Petri. Monachii 1755, typis Christophori Mayr, in 4. In historia Ecclesistica
Imperiali mixta ac dissertationibus elucubrata pervenit ad Saeculum VIII, quam una cum positionibus
historicis ex primis octo Saeculis edidit 1756, in minori fol. |
|
Insuper scripsit dissertationes ex Jure Canonico civili mixto, sed
insperata morte ad meliorem vitam translatus, finire non valuit. Omnia in
nostra Bibliotheca Monacensi. |
|
************************************************************** de Zerbst vel Corwist Matthaeus, communiter Matthaeus
de Saxonia nuncupatus, natione Germanus, Alumnus Provinciae
Thuringo-Saxonicae, vixit Saeculo 15. Lector Theologiae docendo magnum
honorem obtinuit, nec minorem in declamandis sermonibus, in quibus
excellentissimi ingenii et mirae eloquentiae testimonium perhibuit.
Elucubrationum ejus hic est catalogus: Liber
praegrandis de triplici adventu Verbi
in carnem, in mentem et in judicium, quem in tres tractatus et in duodecim supra centum distinctiones disposuit.
Proemii thema est: et veniat
super me misericordia tua, Domine Psal. 118. Tractatus primus incipit de primo ejus adventu (hoc est) incarnationis Mysterio. M. S. habetur Monachii in nostra Bibliotheca. De Indulgentiis super
thema Evangelicum quodcunque ligaveris super terram etc. Matthaei 16,
incipit: Duos
fines ultimos futoros in fine Saeculi. M. S. extat in nostra Bibliotheca
Monacensi. Expositio
Symboli S. Athanasii.
Incipit: Intellectus humanus a rebus sensibilibus etc. [P. 979] Tractatus de corpore
Christi super illud: homo quidam fecit coenam magnam. Lucae 16. Expositio
Orationis Dominicae in caput sextum S. Matthaei: Sic orabitis. Incipit: O quam ineffabilia effusa sunt
etc. Postilla Fr. Matthaei de Saxonia
super Epistolas Quadragesimae. Incipit: Haec dicit Dominus Deus: convertimini etc. In fine: Expliciunt Postille per
Fratrem Matthaeum
de Saxonia
Ordinis FF. Heremitarum S. Augustini compilatae super Epistolas Quadragesimales. M. S. exstat in nostra Bibliotheca Monacensi. Tractatus
de Angelis. Incipit: Dico enim vobis, quia Angeli eorum etc. In fine: Explicit tractatus de Angelis explicatus
per Fr. Mattaeum de Saxonia. Finitus in die S. Viti. Estat Monachii in nostra Bibliotheca. Explanatio super
Epilstolas aliquas per annum. Incipit: Quod si confitearis in ore tuo etc. M. S. habetur in nostra
Bibliotheca Monacensi. Tractatus
de mensuratione et passione Christi compilatus per Fr. Matthaeum de Saxonia
seu Zerbst. M. S. pariter in nostra Monachii. Postille super Evangelia
Quadragesimae per Fr. Matthaeum de Saxonia, Ordinis Heremit. S. Augustini
compilate in capite jejunii. M. S. in fine: Explicit Postilla super Evangelia per Quadragesimam Fr. Matthaei de Saxonia, Ordinis Heremit. et finita per Paulum Moravum
de Niclospurga. Benedictus sit gloriosus Deus in saecula saeculorum Amen. Custoditur in nostra Bibliotheca Monacensi. Expositio Officiarii pro
defunctis collecta per Fr. Matthaeum de Saxonia, Ordinis Heremit. S. Augustini. Incipit:
Ad consolationem fidelium etc. In fine: Tres sunt species infelicitatis.
Prima,
qui nescit et non discit. Secunda qui scit, et
non docet. Tertia, qui docet, et non operatur. Opus, seu M. S. hoc habetur in
nostra Bibliotheca Monachii. Albertus Fabricius in
Bibliotheca latina mediae et infimae aetatis, sive latinitatis, libro XXI,
pag. 925. In eadem Bibliotheca per
Joannem Dominicum Mansi correcta, illustrata et aucta, tomo VI, pag. 334.
Patavii 1754. Christianus Jöcher in
universali Lexico Eruditorum, tomo IV, col. 2192. Felix Milensius in Alphabeto, pag. 81. Pragae 1613. Thomas de Herrera in Alphabeto Augustiniano, tomo II, pag. 93, col. I. Madriti 1644. Philippus Elssius in Encomiastico Augustiniano, pag. 476. Bruxellis 1654. Luigi Torelli ne’ Secoli Agostiniani, tomo VII, carte 156, num. 15. Dominicus
Antonius Gandolfus in dissertatione historica de 200 Scriptoribus
Augustinianis, pag. 266. ************************************************************** Zevecotius
Jacobus,
natione Germanus, Patria Belga, Alumnus Provinciae Belgicae, Filius Coenobii
Gandensis, vixit Saeculo 17. Inter illos, qui artes liberales et literas
humaniores profitentur, primis annumerari meretur, quia praeclarissimi sui
ingenii monumenta dedit per sequentes elucubrationes ab eo typis publicatas, edidit enim: Librum
Elegiarum. [P. 980] Rosimundam tragoediam. Poemata. Amstelodami 1640. Valerius Andreae in Bibliotheca Belgica. Catalogus Bibliopolii Anisoniani. ************************************************************** Zitter Raymundus, natione Germanus,
Alumnus Provinciae Rheno-Svevicae, adhuc vitam agit. Ecclesiastes omnibus
numeris mirabilis et Orator facundissimus, Moguntiae per 21 annos e suggestis Verbum
Dei magno cum fructu animarum exposuit. Memoriam ejus ab oblivione vindicant
opera, teste Godefrido Molitor ejusdem Provinciae, typis data nempe: Opus Concionatorium in
festa B. V. Mariae. Dominicale
et festivale. ************************************************************** Zovet Adeodatus, natione Helvetus, Alumnus
Provinciae Rheno-Svevicae, vixit Saeculo 17.
Vir rara et
exquisita cognitione Matheseos illustris, Eminentissimo Cardinali Lothario
Francisco ex Illustrissima familia de Schönborn Archi-Episcopo Moguntino et
Episcopo Bambergensi a Sacris Confessionibus scripsisse perhibetur: Sacras Meditationes, quae
sub titulo: panis quotidianus M. S. S. Herbipoli asservantur. Antoninus Höhn in Chronologia Provinciae Rheno-Svevicae, pag. 319. ************************************************************** Zucchius Caesar
Augustinus,
natione Italus, Alumnus Congregationis Lombardiae, Filius Coenobii ad S.
Marcum Mediolani, vixit Saeculo 17. S. Theologiae Magister; amoeniorum literarum
amator ingenii felicitate adeo profecit, ut acutus Philosophus et profunde
doctus Theologus evaserit, atque per has praeclaras qualitates magnam
consecutus aestimationem, in multis Gymnasiis nostris officium Professoris ei
demandatum fuerit, quo munere tam fausto functus est progressu, ut Ticini in
Academia catalogo publicorum scientiarum Professorum inseri meruerit. Omnia
officia eidem commissa tam diligenter ac vigilanter obiit, ut Prior
Provincialis Provinciae Insubriae electus fuerit. Demum in Comitiis
generalibus Romae 1685 celebratis dignitate Procuratoris Generalis ornatus,
post biennium piam animam exhalavit. In nostra Bibliotheca Mediolani ad S.
Marcum ostenditur: Tractatus de anima, quem Romae die 21 Julii 1679 absolvit. Philippus Argelati in
Bibliotheca Scriptorum Mediolanensium, parte I, tomi II, col. 1705. ************************************************************** [P. 981] a Zuniga vel
Stunica, vel Estunica Didacus, natione Hispanus, Patria Salmanticensis, Alumnus
Provinciae Castellae, Filius Coenobii Salmanticensis, vixit Saeculo 16. S. Theologiae Doctor ex
illustri genere Marchionum de Flores Davila. Anno 1573 in Universitate Ossunensi
Cathedram Theologicam moderatus est. Vir non tantum nobilitate familiae
conspicuus, sed etiam doctrina praecipue Theologica, in variis Linguis,
Hebraica, Chaldaica et Graeca peritissimus. Tempore contagionis, teste Thoma
de Herrera, amore proximi cum permissu Superiorum ad lazaretum Vallisoletanum
se contulit, ut peste infectis inserviret, ubi post aliquot menses a maligno
morbo correptus cum fama sanctitatis ad meliorem vitam translatus est anno 1599.
Ejus corpus ultra Pisoricae
pontem in Conventu Patrum Minorum jacet. Libri, quibus se posteris
memorabilem fecit, sunt: Pars prima Philosophiae,
qua perfecte, et eleganter quatuor scientiae Metaphysica, Dialectica,
Rhetorica et Physica declarantur, quam Clementi VIII dicavit. Toleti 1597 apud Petrum Rodriquez in fol., et
1607. Libri II de vera Religione,
sive in omnes sui temporis haereticos. Salmanticae 1577 apud Matthaeum
Gastium, in fol. Commentaria in Zachariam
Prophetam. Salmanticae 1577, in fol. |
|
Comment. in
Jobum, quibus ejus triplex editio vulgata Latina, Hebraica et Graeca
septuaginta interpretum, nec non et Chaldaea explicatur. Toleti 1584, in 4.
Romae 1591, in 4. Opus hoc dicavit Philippo II Hispaniarum Regi. |
|
Nicolaus Antonius Hispalensis in Bibliotheca Hispana, tomo I, pag. 250, col. I. Christianus Jöcher in
universali Lexico Eruditorum, tomo IV, col. 2239. Thomas Gratianus in Anastasi Augustiniana, pag. 61. Antuerpiae 1613. Thomas de Herrera in Alphabeto Augustiniano, tomo I, pag. 192, col. I, item pag. 201, col. II. Madriti 1644. Philippus Elssius in Encomiastico Augustiniano, pag. 166. Bruxellis 1654. Luigi Torelli ne’ Secoli Agostiniani, tomo VIII, carte 580, num. 16. ************************************************************** Zurtschenthal Alipius, natione Germanus, Patria Styrus, Alumnus
Provinciae Austriae et Hungariae, Filius Coenobii Graecensis, vixit Saeculo
18. S. Theologiae Doctor et Magister. Octodecim circiter
annis Graecii, Viennae et Pruggae nostros in Philosophia et Theologia
instruxit, simulque ut Lector Philosophiae officio Concionatoris functus est.
Anno 1731 Magister Ordinis creatus, Regens studiorum constitutus fuit. Anno 1740 gubernium Conventus Viennensis ei commissum
est. Anno 1743 Prior Provincialis proclamatur. Anno 1746 Prior Pruggensis, et
postquam triennio ab omni officio vacabat, [P. 982] anno
1752 Prior Graecensis elegitur, et sub hac obedientia die 11 Decembris anno 1753 viam egit
universae carnis, publicae communitati relinquens orationem latinam et
Concionem in idiomate Germanico: Orationis titulus est: Sacrum Sacro Sanctae
Theologiae elementum, seu Divi Joannis Apostoli Zelus, sapientia, amor et
Martyrium a proprietatibus ignis laudata et oratoria dictione proposita a R.
P. Alipio Zurtschenthal Philosophiae Lectore, Viennae in Austria 1724, ex
typographia Imperiali aulica per Joannem Georgium Frey, in fol. Panegyrim hanc
Riverendissimo Andreae Zirckl, Ord. Eremit. S. Augustini Brunae ad S. Thomam
Priori perpetuo et infulato dedicavit. Concionem Germanicam dixit
in laudem S. Rochi in ejusdem festo in nostra Ecclesia Viennae 1724, typis Joannis Ignatii
Raublinger, in 4. Catalogus Scriptorum Provinciae nostrae Austriae et Hungariae. |