T

**************************************************************

[P. 887] Tagliaferri Dominicus Antonius, natione Italus, Alumnus Provinciae Umbriae, Filius Coenobii Sigillensis, vixit Saeculo 17. S. Theologiae Magister. Anno 1688 Senis officio Regentis studiorum functus est. In lingua italica in lucem emisit opus sic inscriptum: Sacro Diario delle gratie ed indulgenze concesse alli Fratelli e Sorelle della compagnia cinturata 1688. In Venezia. Anno 1722 correctior ibidem prodiit per Giuseppe Corona. Haec editio existat in nostra Bibliotheca Monacensi.

**************************************************************

Talamellus Thomas, natione Italus, Alumnus Provinciae Romandiolae, ad initium Saeculi 17 adhuc inter vivos erat. Fuit S. Theologiae Magister et Prior Conventus Ticinensis, sive Papiensis, vir in omni dicendi genere clarus, in concionando gratissimus, integritate vitae et eruditione commendabilis, nec non Sacrae Scripturae expositor excellens, die 18 Augusti anno 1629 a Reverendissimo Priore Generali licentiam obtinuit typis committendi:

Discursus praedicabiles supra Adventum Domini.

Insuper typis excudi fecit tractatum de corrigia Augustiniana. Arimini 1620.

Speculum clarissimum verissimumque habitus nigri et albi Ordinis Eremitarum.

Expositionem in Canticum Magnificat.

Lectiones aliquas in psalmum: de profundis clamavi ad te Domine, 1616.

Rationale utriusque potestatis Ecclesiasticae, 1617.

Thomas de Herrera in Alphabeto Augustiniano, tomo II, pag. 462, col. I. Madriti 1644.

Philippus Elssius in Encomiastico Augustiniano, pag. 663. Bruxellis 1654.

**************************************************************

Talhamer Josephus, natione Germanus, Alumnus Provinciae Salisburgensis, vixit Saeculo 18. S. Theologiae Magister, vir in arte conversandi cum proximo, prudentia in rebus agendis et doctrina praestans, saepius Prior Provincialis, et ab anno 1711 usque ad annum 1721 Assistens Generalis utriusque Germaniae, die 7 Junii anno 1736 obdormivit in Domino Salisburgi. [P. 888] Ab eo in Bibliotheca nostra Monacensi existit: Tractatus de Deo uno. Impressus Salisburgi 1677.

**************************************************************

Tallian Ludovicus, natione Germanus, Patria Hungarus, Alumnus Provinciae Austriae et Hungariae, Filius Coenobii Graecensis, vixit Saeculo 18. Vir eximiae integritatis, prudentiae, pietatis ac eloquentiae, qui variis functus est muneribus videlicet Parochi in Muschkotz et Tokaini, Concionatoris Budae, Prioris Conventus Flumiensis et Parochi, sub qua obedientia die 25 Augusti anno 1730 e corporis custodia liberatus est, et in memoriam sui nominis, per sequentes duas orationes panegyricas, eloquentiae suae testes, posteritati commendavit. Primae inscriptio est:

Moyses Pannonicus Ladislaus utpote Orthodoxae fidei propugnator gloriosus, Pannoniae Rex Augustus, Tutor, indevisctusque Heros. Viennae Austriae typis Joannis Georgii Schlegel.

Secundae titulus est: Scutum inexpugnabile innocentiae Marianae contra hostes immaculatam ejus conceptionem impugnantes. In Ecclesia Patrum Carmelitarum, Budae recitata die 10 Decembris anno 1722. Viennae typis Joannis Petri de Ghelen, in fol.

Catalogus Scriptorum Provinciae nostrae Austriae et Hungariae.

**************************************************************

de Tapia Didacus, natione Hispanus, Patria Segubiensis, Alumnus Provinciae Castellae, Filius Coenobii Salmaticensis, vixit Saeculo 16. Virum hunc Segubia protulit, Pater ipsius Franciscus de Zamora vocabatur e nobili prosapia, et Mater Maria de Tapia pariter nobilis. Anno 1565 Salamanticae ad Ordinem nostrum illustrandum accessit. Brevi in Religione in facultatibus Philosophicis et Theologicis ita excelluit, ut ei in Universitate Salmanticensi et Ossunensi cathedra Theologica regenda demandata fuerit, utramque magno cum applausu moderatus est, tandem Valdoleti anno 1591 extremum vitae diem confecit aetatis 42. De hujus scriptis exstant:

Tractatus de Incarnatione Christi.

Tractatus de admirando Eucharistiae Sacramento.

Liber de ritu Missae. Salmanticae 1559.

Nicolaus Antonius Hispalensis in Bibliotheca Hispana, tomo I, pag. 245, col. II.

Antonius Possevinus, tomo I apparatus Sacri.

Christianus Jöcher in universali Lexico Eruditorum, tomo IV, col. 1004.

Thomas de Herrera in Alphabeto Augustiniano, tomo I, pag. 201, col. II. Madriti 1644.

Philippus Elssius in Encomiastico Augustiniano, pag. 163. Bruxellis 1654.

Luigi Torelli ne’ Secoli Agostiniani, tomo VIII, carte 465, num. 12.

**************************************************************

[P. 889] Tasselon Guilielmus, natione Germanus, Patria Belga, Alumnus Provinciae Belgicae, Filius Coenobii Bruxellensis, vixit Saeculo 17. S. Theologiae Doctor Lovaniensis, vir praestantia ingenii paucis aequandus, in enodandis quaestionibus scholasticis longe acutissimus, qui sua doctrina, et integerrimus moribus Ordini nostro magnam famam conciliavit. A Capitulo Generali Romae 1649 celebrato in Belgium reversurus, Bergomi die 4 Novembris dicti anni e vita exiit. Ab eo lucem publicum viderunt:

Theologia Augustiniana, sive conclusiones Theologicae de Deo uno et trino, de Angelis et primo homine. Lovanii 1643 typis Masii, in 4.

Conclusiones e Theologia universali. Lovanii 1646, typis Masii.

Ioannes Franciscus Foppens in Bibliotheca Belgica, tomo I, pag. 423.

**************************************************************

Terrachinus vel Terzachinus Angelus, natione Italus, A­lumnus Congregationis Lombardiae, Filius Coenobii Laudensis, vixit Saeculo 17. Vir inter Musicos sui aevi praestantissimus, nomen suum ad posteros transmisit per: Librum Musices, quem typis in lucem edidit.

Philippus Elssius in Encomiastico Augustiniano, pag. 65. Bruxellis 1654.

**************************************************************

de Terranova Franciscus, natione Italus, Alumnus Provinciae Terrae Laboris, Filius Coenobii Neapolitani, vixit Saeculo 17. S. Theologiae Doctor, vir omni fere literatura imbutus, potissimum in literis amoenioribus eminuit. Ejus opera sunt:

Un poema eroico diviso in dodici canti intitulato: Vittoria navale.

L’Apostolo piangente.

Considerationes in Symbolum Apostolicum.

Methodus pro morbis humani corporis in particulari curandis. Romae 1658 apud Angelum Bernabo, in 4.

Nicolaus Toppi nella Bibliotheca Napolitana, carte 354, col. II.

Christianus Jöcher in universali Lexico Eruditorum, tomo IV, col. 1063.

**************************************************************

Tesoro Aegiduus, natione Italus, Alumnus Provinciae Lombardiae, Filius Coenobii Genuensis, vixit Saeculo 17. S. Theologiae Magister, vir ingeniosus, doctus et eloquens, ac pietate, eruditioneque conspicuus, primo Ecclesiastes in nostro Templo ad S. Stephanum Venetiis constitutus, dein Prior Conven­tus Montis Politiani denominatus fuit. In lingua Italica elucubravit opus, cujus titulus: [P. 890]

Sferza poetica. Quia vero credebat, quod perdiderit, sub alio titulo orbi literato innotuit, nempe inscriptum.

Veratro poetica, verum neque haec compositio suis caruit Zoilis, quapropter opus hoc Nicolaus Schiattino quibusdam pulcherrimis literis defendit.

Angelus Aprosius nella sua Biblioteca, carte 95.

**************************************************************

de Texeda Antonius, natione Hispanus, Alumnus Provinciae Insularum, vixit Saeculo 16. Vir naturae dotibus et scientiis praecipue historica excellens calamo luci exposuit:

Librum de rebus Provinciae Insularum Philippinarum.

Thomas de Herrera in Alphabeto Augustiniano, tomo I, pag. 63, col. I. Madriti 1644.

**************************************************************

Thaddaeus Caluschi, vide Lit. C. Caluschi Thaddaeus.

Thaddaeus de Fossambruno, vide Lit. F. de Fossambruno Thaddaeus.

Thaddaeus Locatellus, vide Lit. L. Locatellus Thaddaeus.

Thaddaeus Perusinus, vide Lit. P. Perusinus Thaddaeus.

Thaddaeus a Ripa Trasona, vide Lit. R. a Ripa Trasona Thaddaeus.

Theobaldus Scaliger, vide Lit. S. Scaliger Theobaldus.

Theobaldus Veronensis, vide Lit. V. Veronensis Theobaldus.

**************************************************************

Theodori Augustinus, natione Germanus, Patria Belga, Alumnus Provinciae Belgicae, Filius Coenobii Lovaniensis, vixit Seculo 17. S. Theologiae Doctor, vir singulari magnitudine animi, morumque integritate praeditus per 16 annos Conventum Lovaniensem, postea ipsam Provinciam egregie moderatus est, demum pro Ecclesia Dei et ordine nostro laboribus exhaustus, ex charitate fratribus suis morbo contagioso invectis assistens die 5 junii anno 1633 ex hac mortali ad immortalem transiit vitam, de cujus scriptis in nostra Bibliotheca Lovanii asservantur: Commentaria in omnes Divi Pauli Epistolas.

Philippus Elssius in Encomiastico Augustiniano, pag. 103. Bruxellis 1654.

Nicolaus de Tombeur in Provincia Belgica Augustiniana, pag. 105. Lovanii 1727.

**************************************************************

Theodoricus Degen, vide Lit. D. Degen Theodoricus.

Theodoricus de Porta Coeli, vide Lit. P. de Porta Coeli Theodoricus.

Theodoricus Urias, vide Lit. U. Urias Theodoricus.

Theodoricus de Wingge, vide Lit. W. de Wingge Theo­doricus.

Theodorus Ferronius, vide Lit. F. Ferronius Theodorus.

Theodorus Wallaeus, vide Lit. W. Wallaeus Theodorus.

Theophilus Frähamer, vide Lit. F. Frähamer Theophilus.

Theophilus Gallinonus, vide Lit. G. Gallinonus Theophilus.

Theophilus Longobardus, vide Lit. L. Longobardus Theophilus.

Theophilus Neapolitanus, vide Lit. N. Neapolitanus Theo­philus.

Theophilus Schinl, vide Lit. S. Schinl Theophilus.

Theophilus Vairano, vide Lit. V. Vairano Theophilus.

**************************************************************

[P. 891] a S. Theresia Bernardus, Excalceatus, natione Germanus, Alumnus Congregationis Germaniae, vixit Saeculo 18. Vir incomparabilis doctrinae, ferventissimus catholicae fidei Defensor et haereticae pravitatis debellator fortissimus, ab ejus zelo pro Ecclesia catholica ad utilitatem Orthodoxorum profectae sunt in idiomate Germanico:

Quinquaginta causae, cur nemo bona conscientia ad Lutheranismum transire, vel si in hac haeresi est, in ea perseverare possit. Pragae 1716.

Verbum vitae, seu demonstratio, solam fidem catholicam esse veram fidem, sine qua ad vitam aeternam perveniri non potest. Pragae 1715.

Catalogus librorum Bibliotecae Principalis Monasterii Ordinis S. Benedicti ad S. Emmeranum Ratisbonae.

**************************************************************

a S. Thoma Andreas, Excalceatus, natione Italus, Patria Genuensis, Alumnus Congregationis Italiae, vixit Saeculo 17. Vir morum decore, pietate ac doctrina ornatus, et insignis B. V. Mariae amator et cultor, sequentia cudit opuscula:

De mortuorum suffragiis et animabus in purgatorio. Opus in tres partes distinctum. Genuae 1636.

Vitam S. Nicolai Tolentinatis. Genuae 1644.

Opusculum de Praedestinatione hominis. Genuae 1654.

Super salutationem Angelicam a se concionibus explicatam, tomi II. Genuae 1654, in 4.

De Divina essentia tomi II. Genuae 1654. [P. 892]

Augustinus Oldoinus in Atheneo Romano, pag. 26. Perusiae 1680.

Hippolytus Marraccius in appendice ad Bibliothecam Marianam, pag. 12, col. I. Coloniae 1683.

**************************************************************

a S. Thoma Emmanuel, Excalceatus, natione Lusitanus, Patria Olyssipponensis, Alumnus Provinciae Lusitaniae, Filius Coenobii Montis-Oliveti extra muros civitatis Olyssipponensis, vixit Saeculo 18. S. Theologiae Magister. Post annum probationis Irenopoli Philosophiam, Theologiam vero Ulyssippone in suo Conventu cum tali fructu et laude absolvit, ut Eborae utriusque facultatis Lector denominatus fuerit. Vir longiore vita dignissimus Setubaliae die 13 Novembris anno 1744 aetatis 51 e vivis excessit. Qui per prelum divulgavit in lingua vernacula:

Sermonem panegyricum, quem die quarta intra octavam solemnitatis Canonizationis S. S. Aloysii Gonzagae et Stanislai Koskae, in collegio Universitatis Eborae habuit. Eborae ex Officina Universitatis 1730, in 4.

Typis etiam paraverat duos tomos Philosophiae selectae authoritatibus Magni Parentis Augustini roboratae.

Didacus Barbosa Machado in Bibliotheca Lusitana historica, critica e chronologica, tomo III, pag. 394, col. I. Lisboa 1752.

**************************************************************

Thomas de Anglia, vide Lit. A. de Anglia Thomas.

Thomas de Antillon, vide Lit. A. de Antillon Thomas.

Thomas Aquinas Schöttl, vide Lit. S. Schöttl Thomas Aquinas.

Thomas de Argentina, vide Lit. A. de Argentina Thomas.

Thomas Ascheburne, vide Lit. A. Ascheburne Thomas.

Thomas Borstale, vide Lit. B. Borstale Thomas.

Thomas Bouges, vide Lit. B. Bouges Thomas.

Thomas Bruinus, vide Lit. B. Bruinus Thomas.

Thomas Edwardston, vide Lit. E. Edwardston Thomas.

Thomas de S. Genesio, vide Lit. G. de S. Genesio Thomas.

Thomas Gratianus, vide Lit. G. Gratianus Thomas.

Thomas Guichens, vide Lit. G. Guichens Thomas.

Thomas de Herrera, vide Lit. H. de Herrera Thomas.

Thomas de Jesu, vide Lit. I. de Jesu Thomas.

Thomas Pencket, vide Lit. P. Pencket Thomas.

Thomas Philippini, vide Lit. P. Philippini Thomas.

Thomas Plantullus, vide Lit. P. Plantullus Thomas.

Thomas Radclyf, vide Lit. R. Radclyf Thomas.

Thomas Spilimbergicus, vide Lit. S. Spilimbergicus Thomas.

Thomas Stureia, vide Lit. S. Stureia Thomas.

Thomas Talamellus, vide supra Talamellus Thomas.

Thomas a Villa nova, vide Lit. V. a Villa nova Thomas.

Thomas Winterton, vide Lit. W. Winterton Thomas.

**************************************************************

[P. 893] Thomasius Joannes Maria, natione Germanus, Patria Bel­ga, Alumnus Provinciae Belgicae, Filius Coenobii Antuerpiensis, vixit Saeculo 17. S. Theologiae Doctor, Religiosus omnium literarum eruditione eximius, excellens Philosophus, famosus Theologus et Concionator facundus, praefuit Conventui Iprensi. Bruxellis die 26 Februarii anno 1655 e corpore migravit, dum jam prelo paraverat:

Octavas aliquot de S. P. Augustino.

Nicolaus de Tombeur in Provincia Belgica Augustiniana, pag. 177. Lovanii 1727.

**************************************************************

Theyer Isidorus, natione Germanus, Patria Austriacus Viennensis, Alumnus Provinciae Austriae et Hungariae, Filius Coenobii Viennensis, adhuc in humanis agit, anno 1762 fungebatur officio Procuratoris Provinciae et Custodis Confraternitatis S. Rochi, pro cujus Sodalibus ex variis collegit, et imprimi curavit libellum inscriptum: Christiano catholica devotio. Typis Heyingerianorum haeredum, in 8.

Catalogus Scriptorum Provinciae nostrae Austriae et Hungariae.

**************************************************************

de Tiedra Hieronymus, natione Hispanus, vixit Saeculo 16. Erat humanis et divinis literis decoratus, subtilis ingenii et singularis erga B. V. Mariam sine labe conceptam devotionis ac Concionator disertus. Ab eo lucem publicam in lingua vernacula viderunt: Conceptos de la Conception. [P. 894]

Nicolaus Antonius Hispalensis in Bibliotheca Hispana, tomo I, pag. 461, col. II.

Hippolitus Marraccius in appendice ad Bibliothecam Marianam.

Christianus Jöcher in universali Lexico Eruditorum, tomo IV, col. 1193.

**************************************************************

Tiburtius Massainus, vide Lit. M. Massainus Tiburtius.

Tiburtius Mercati, vide Lit. M. Mercati Tiburtius.

Timotheus de Pandino, vide Lit. P. de Pandino Timotheus.

**************************************************************

de Tolentino Joannes Baptista, natione Italus, Alumnus Provinciae Marchiae Anconitanae, Filius Coenobii Tolentini, vixit adhuc ad initium Saeculi 16. S. Theologiae Doctor. Anno 1512 instituitur Arimini Regens studiorum, quod officium etiam in Hungaria a Reverendissimo Priore Generali Gabriele Veneto in hunc finem eo missus peregit. Post reditum in suam patriam Provinciae Marchiae Anconitanae Antistes eligitur, quia vir erat regularis disciplinae amantissimus, simulque doctissimus, cui nihil magis cordi fuit, quam ut in monasteriis suae curae commissis, exacta disciplina, floreret. Credibiliter anno 1525 laboribus attritus, in coelum avolavit. Correxit et publici juris fecit:

Parva naturalia Aegidii Romani, dicata Gratiano Fulginati Vicario Generali Apostolico.

Thomas de Herrera in Alphabeto Augustiniano, tomo I, pag. 476, col. I. Madriti 1644.

Philippus Elssius in Encomiastico Augustiniano, pag. 329. Bruxellis 1654.

Luigi Torelli ne’ Secoli Agostiniani, tomo VIII, carte 128, num. 85.

**************************************************************

de Tolentino Nicolaus, Excalceatus, natione Lusitanus, natus in villa de Monsanto, Alumnus Congregationis Lusitanae, vixit Saeculo 18. Vir omni doctrinarum genere exercitatissimus, praesertim in historia Ecclesiastica et saeculari eruditus, superato probationis anno altioribus studiis talem navavit operam, ut suorum Lector Philosophiae et Theologiae evaserit, ac secretarius suae Congregationis denominatus fuerit, ab hoc officio ascendit ad dignitatem Visitatoris Generalis. In lingua vernacula typis excudi fecit opus sub hac epigraphe:

Fenix de Africa o eximio dos Doutores meu grande Padre S. Agostinho renacido a novas veneraçaoens e festivos aplausos das Reliquias de seu sagrado corpo descubertas no primero de Outubro de 1695. Lisboa por Pedro Ferreira 1729, in 4.

Reliquit etiam sequentia prelo publico digna manuscripta.

Stateram, in qua examinantur duae dissertationes affirmativa et negativa, an S. Jacobus Major primus fuerit, qui in Hispania Christum praedicavit cum superpondio contra librum intitulatum: vox da verdade P. Michaelis de S. Maria, vide Lit. M. de S. Maria Michael. [P. 895]

Historiam vitae Serenissimae Reginae Luisae Franciscae de Gusman.

Historiam imaginis Christi crucifixi, quae veneratur in civitate Ulyssipponensi cum reflexionibus.

Didacus Barbosa Machado in Bibliotheca Lusitana historica, critica e chronologica, tomo III, pag. 499, col. I. Lisboa 1752.

**************************************************************

de Tolosa Augustinus, natione Hispanus, Alumnus Provinciae Aquitaniae, Filius Coenobii Tolosani, vixit Saeculo 16. Vir ob singularem doctrinam laude celebris concinnavit in pa­tria lingua librum, cujus titulus:

Aranjuez del alma. Caesar Augustae 1584, in 4. Opus hoc eleganti carmine Lupercius Leonardus de Argensola celebravit, quod inter hujus opera legitur.

Nicolaus Antonius Hispalensis in Bibliotheca Hispana, tomo I, pag. 139, col. II.

Christianus Jöcher in universali Lexico Eruditorum, tomo IV, col. 1244.

**************************************************************

de Tolosa Joannes, natione Hispanus, Patria Tolosanus, Alumnus Provinciae Castellae, Filius Coenobii Salmanticensis, vixit Saeculo 16. S. Theologiae Doctor, in Universitate Oscensi primam Sacrorum librorum cathedram tenuit. Post inductam reformationem Coenobio Caesar Augustano praefectuss fuit. Erat vir in Divinis Scripturis peritissimus, in habendis Concionibus ad populum excellentis ingenii et rarae facundiae, non minus vita quam eruditione venerabilis. De libris, quos scripsit in idiomate Hispanico, isti feruntur:

Indulgencias de la correa de S. Agustin.

Discursus praedicabiles. Medinae 1584.

Conciones per totum Adventum usque ad festum Epiphaniae diverso argumento in modum dialogi.

Nicolaus Antonius Hispalensis in Bibliotheca Hispana, tomo I, pag. 604, col. I.

Franciscus Didacus de Ainsa in historia Oscensi.

Vincentius Blasco in suis historiis libro III, cap. 6.

Christianus Jöcher in universali Lexico Eruditorum, tomo IV, col. 1244.

Thomas Gratianus in Anastasi Augustiniana, pag. 120. Antuerpiae 1613.

Thomas de Herrera in Alphabeto Augustiniano, tomo I, pag. 486, col. II. Madriti 1644.

Philippus Elssius in Encomiastico Augustiniano, pag. 368. Bruxellis 1654.

**************************************************************

de Tombeur Nicolaus, natione Germanus, Patria Belga, Alumnus Provinciae Belgicae, Filius Coenobii Lovaniensis, vixit Saeculo 18. S. Theologiae Licentiatus per 20 annos Theologiae Professor, vir incomparabilis ingenii, Divina humanaque sapientia clarissimus, [P. 896] insigni eruditione ornatus, et in Historia suae Provinciae versatissimus, literato orbi innotuit per subiecta opera, exaravit enim:

Historiam Provinciae Belgicae et singulorum ejus Monasteriorum. Tomi VIII M. S. Ex hoc opere extraxit et in compendio typis mandavit librum, cujus titulus: Provincia Belgica Ordinis F. F. Eremitarum S. P. Augustini olim dicta Coloniensis et inferioris Germaniae: ejus origo et progressus, Regimen, fundamentum, Prerogativae, Privilegia et incrementum, cum dissertatione praeliminari et compendiosa monasteriorum singulorum descriptione chronologica. Lovanii 1727 typis Martini van Overbeke, in fol.

Praxin rite administrandi Sacramenta Poenitentiae et Eucharistiae. Lovanii et auctam Antuerpiae.

Libellum sub titulo: Causa dispar circa Bullam Unigenitus Clementis XI. Lovanii 1719.

Vitam S. Nicolai Tolentinatis cum notis. Lovanii 1722.

In Provincia Belgica Augustiniana, pag. 106. Lovanii 1727.

**************************************************************

Toneys Joannes, natione Anglus, Patriae Nordovicensis, Alumnus Provinciae Angliae, Filius Coenobii Nordovicensis, Saeculo 16, ad initium adhuc inter vivos numerabatur, ut ex Registris Generalium constat: in his enim legitur, quod anno 1503, die 16 Julii, Reverendissimus Generalis Gratianus de Fulgineo Mag. Joannem Toneys futuro Capitulo Anglicano Praesidem dederit. Male igitur Josephus Pamphilus ejus obitum ad annum 1494 et adhuc pejus Joannes Pitseus ad annum 1490 ponunt. Fuit autem Joannes Toneys S. Theologiae Doctor Cantabrigiensis, Poeta, Rhetor, Philosophus et Theologus primae classis, adeo ut omnes ejus in resolvendis controversiis solertiam, in defendenda fide fervorem, atque in evolvendis difficultatibus diligentiam admirati sint, his suis studiis peritiam linguae Graecae, ac sanctimoniam vitae addidit, et propter has praeclaras dotes totius Angliae Provincialis electus est. Richardus Pinsonus plura ejus opera luce publica donavit, composuit enim:

Librum de Rudimentis Grammatices.

Librum de quantitate Syllabarum.

Librum de edendis carminibus.

Librum Epistolarum ad diversos.

Librum Orationum ad Clerum.

Librum de certaminibus scholasticis.

Libros duos Sermonum ad Populum. [P. 897]

Lecturas Magistrales Cantabrigiae habitas.

Facetias ac Rhythmos.

Collectanea quaedam suarum Concionum.

Thomas Tannerus Episcopus Asaphensis in Bibliotheca Britannico-Hibernica, pag. 718. Londini 1748.

Ioannes Baleus in cathalogo Scriptorum illustrium majoris Britanniae, centuria VIII, pag. 630. Basileae 1559.

Ioannes Pitseus de Scriptoribus Angliae, pag. 676.

In Bibliotheca Conradi Gesneri per Josiam Simlerum recognita, et in duplum aucta, pag. 421, col. I. Tiguri 1574.

Christianus Jöcher in universali Lexico Eruditorum, tomo IV, col. 1249.

Josephus Pamphilus in Chronicis Ordinis nostri, fol. 95. Romae 1581.

Thomas Gratianus in Anastasi Augustiniana, pag. 120. Antuerpiae 1613.

Thomas de Herrera in Alphabeto Augustiniano, tomo I, pag. 474, col. I. Madriti 1644.

Philippus Elssius in Encomiastico Augustiniano, pag. 403. Bruxellis 1654.

Luigi Torelli ne’ Secoli Agostiniani, tomo VII, carte 541, num. 17.

Dominicus Antonius Gandolfus in Dissertatione historica de 200 Scriptoribus Augustinianis, pag. 235.

**************************************************************

Tonti Hyacinthus, natione Italus, Alumnus Provinciae Marchiae Anconitanae, Filius Coenobii Anconitani, vixit Saeculo 18. S. Theologiae Magister, munere Professoris publici S. Scripturae in Universitate Patavina functus est; vir inter Concionatores suo tempore praecipuus, quia rara eloquentia, variarumque scientiarum cognitione claruit. De ejus operibus prelo editis sequentia in nostra Bibliotheca Monachii exstant:

Dogmi della Chiesa Romana difesa contro le impugnazioni di Giacomo Puenino autore dell’Apologia per i pretesi Riformatori, e per la pretesa Religione riformata. In Padova 1713, appresso Guiseppe Corona, in 4.

Prediche per l’avvento e quaresima consecrate alla sacra Cesarea Majesta di Elisabetta Cristina Imperatrice 1718, in 4.

Secondo Avvento e quaresimale, in Venezia 1730.

Panegirico del Martirio di S. Lorenzo. In Venezia 1724, in 4.

Due sacri panegirici di S. Maria Maddalena de Pazzi, in Venezia 1708, in 8.

Sententia Augustiniana de rerum creatione. Patavii 1714.

**************************************************************

Torelli Aloysius, natione Italus, Alumnus Congregationis Lombardiae, Filius Coenobii Bononiensis, vixit Saeculo 17. S. Theologiae Magister, Historiographus et Praedicator Generalis tam magni ac excellentis studii, eruditionisque fuit, ut ordo vix similem unquam aluerit. Bononiae, die 14 Januarii anno 1686 mortalem vestem exuit. Ab hoc doctissimo viro Monachii in nostra Bibliotheca sequentia asservantur opera:

[P. 898] Secoli Agostiniani, overo historia generale del sacro Ordine Eremit. Del gran Dottore di santa chiesa S. Aurelio Agostino, Vescovo d’Hippona divisa in Torni VIII, in Bologna per la direttione di Gio. Battista Vaglierini. Primus tomus fuit impressus Bononiae 1659. Secundus 1667. Tertius 1673. Quartus 1675. Quintus 1678. Sextus 1680. Septimus 1682. Octavus 1686, in fol.

Ristretto delle vite de gli huomini e delle Donne illustri in santità et altri famosi soggetti per rara e singolar Bontà insigni, e Venerabili dell’Ordine Agostiniano diviso in sei centurie. In Bologna per Giacomo Monti 1647, in 4.

Ex Hispanico idiomate in Italicum vertit vitam B. Alphonsi ab Orosco cum hac inscriptione: vita del Venerabile Padre Fr. Alphonso d’Orosco in Bologna 1661.

Lenglet du Fresnoy dans la methode pour etudier l’histoire.

Henningus Witte in Diario biographico.

Christianus Jöcher in universali Lexico Eruditorum, tomo IV, col. 1252.

**************************************************************

Tornaquincius Simon, natione Italus, Alumnus Provinciae Pisarum, Filius Coenobii Florentini, vixit Saeculo 15. S. Theologiae Magister. Fuit in hoc viro praeter singularem Theologicae disciplinae cognitionem eloquentia admirabilis. Die 13 Aprilis anno 1429 ei spiritus vitae ablatus est, ut ex epitaphio patet, quod sic sonat: Hic jacet Venerabilis vir Frater Simon de Tornaquinciis de Florentia, S. Theologiae Magister, Ordinis Eremit. S. Augustini, qui obiit anno Domini 1429 die 13 Aprilis, cujus anima requescat in pace. Ex ingenii sui monumentis, quae nobis reliquit, videntur:

Vita S. Matris Monicae ex libris confessionum Divi Augustini collecta.

Sermones Qradragesimales eximia doctrina referti, qui incipiunt: Ego Simon Frater etc. asservantur in nostra Bibliotheca ad S. Spiritum Florentiae.

Giulio Negri nell’Istoria dei Scrittori Fiorentini, pag. 506, col. I.

Gherardus Vossius libro III de Historicis latinis.

Michael Pocciantus in Catalogo illustrium Scriptorum Florentinorum.

Raphael Badius in catalogo Theologorum Universitatis Florentinae.

Louis Moreri dans le grand dictionaire historique, tome V, pag. 403, col. I. Paris 1718.

Albertus Fabricius in Bibliotheca latina mediae et infimae aetatis, sive latinitatis, libro XVIII, pag. 545.

In eadem Bibliotheca per Joannem Dominicum Mansi correcta, illustrata et aucta, tomo VI, pag. 193, col. II. Patavii 1574.

Christianus Jöcher in universali Lexico Eruditorum, tomo IV, col. 1245. Lipsiae 1751.

Josephus Pamphilus in Chronicis Ordinis nostri, fol. 70. Romae 1581.

Thomas Gratianus in Anastasi Augustiniana, pag. 166. Antuerpiae 1613. [P. 899]

Nicolaus Crusenius in Monastico Augustiniano, parte III, cap. 20, pag. 166. Monachii 1623.

Thomas de Herrera in Alphabeto Augustiniano, tomo II, pag. 397, col. I. Madriti 1644.

Philippus Elssius in Encomiastico Augustiniano, pag. 627. Bruxellis 1654.

Luigi Torelli ne’ Secoli Agostiniani, tomo VI, carte 595, num. 13.

Dominicus Antonius Gandolfus in Dissertatione historica de 200 Scriptoribus Augustinianis, pag. 326.

**************************************************************

de Torres Bernardus, natione Hispanus, Alumnus Provinciae Peruntinae, Filius Coenobii Limensis, vixit Saeculo 17. S. Theologiae Magister, vir felicis ingenii, magnae doctrinae et singularis eruditionis, erat Chronographus Provinciae, et ab eo in lingua Hispanica lucem publicam vidit: Cronica de la Provincia Peruana del Orden de los Eremitanos de S. Augustin. Limae 1657, typis Juliani Santos de Saldana, in fol.

Nicolaus Antonius Hispalensis in Bibliotheca Hispana, tomo I, pag. 177, col. II.

Christianus Jöcher in universali Lexico Eruditorum, tomo IV, col. 1263. Lipsiae 1751.

**************************************************************

de Torrinis vel Turrinis Simplicianus, natione Italus, Alumnus Provinciae Romandiolae, Filius Coenobii Linariensis, vixit Saeculo 16. Religiosus doctus et vitae honestate clarus; erat Eminentissimo Cardinali Paleotti a Sacris Confessionibus, evulgavitque: Tractatum de indulgentiis et gratiis, quas Gregorius XIII et alii Pontifices Mantellatis ac Corrigiatis nostris concesserunt. Bononiae 1578. Item ibidem reimpressus fuit 1600. Anno 1594 die 27 Octobris a Reverendissimo Priore Generali Andrea a Fivizano licentiam impetravit typis mandandi brevem relationem pro Seminario.

Thomas de Herrera in Alphabeto Augustiniano, tomo II, pag. 402, col. I. Madriti 1644.

Philippus Elssius in Encomiastico Augustiniano, pag. 634. Bruxellis 1654.

Luigi Torelli ne’ Secoli Agostiniani, tomo VIII, carte 595, num. 17.

**************************************************************

Toscanus Sebastianus, natione Lusitanus, Patria Porto Callensis, Alumnus Provinciae Castellae, Filius Coenobii Salmaticensis, vixit Saeculo 16. S. Theologiae Magister. Vir non tantum linguae Latinae, sed etiam Graecae et Hebraicae peritus, fit anno 1544, die 8 Maji, Regens studiorum in Congregatione S. Joannis ad Carbonariam in Conventu Neapolitano. Post mortem P. Marci de Tarvisio Chronista Ordinis declaratur, haud vulgarem enim in Historia Ecclesiastica notitiam possidebat. Anno 1547 in suam patriam rediit, ubi Joanne III Rege, et Carolo V Imperatore Regius Praedicator denominatur. Tantus Sebastiani pro Religiosa disciplina erat zelus, ut Provinciam reformare intenderet, [P. 900] propterea a suis multa sufferre et perpeti debuit, quae tamen tanta cum constantia atque patientia tamdiu sustinuit, donec resipiscerent. Anno 1558 a Reverendissimo Priore Generali Christophoro Patavino in Angliam missus fuit, ut Conventus nostros a periculosa haeresi restauraret et reformaret. Bina vice Provincialis exstitit, et quia in concionibus suis mire effulsit, Isabella Hispaniarum Regina, Sebastianum pro regio suo Concionatore sumpsit, quo officio usque ad mortem Isabellae functus est. Anno 1566 e Metropoli Indiae Orientalis Goa cadaver Vice-Regis Alphonsi Albuquerquii, e regio sanguine Ulyssipponem advectum fuit, ut in nostro principali Conventu Dominae nostrae de Gratia sepeliretur, durantibus solemnissimis exequiis, Sebastianus elegantissimam orationem in laudem defuncti Principis dixit. Anno 1572 ut Deo aptius servire posset, ad Conventum penna Firmanum se contulit, e qua solitudine non egressus est, nisi ex obedientia Reverendissimi Prioris Generalis Thaddaei Perusini, qui die 28 Februarii anno 1576 ei scripsit ut, relicta Eremi solitudine, Ulyssipponem peteret, ibique Concionatorem ageret, in quo Conventu, die 13 Junii anno 1580 rebus humanis exemptus est. Caeterum per praeclara opera nominis sui gloriam ad posteros transmisit, elucubravit enim:

Comment. in Jonam Prophetam. Venetiis 1573.

Theologiam Mysticam. Venetiis 1573 et Ulyssippone 1568, dicavit Sebastiano Regi Lusitano.

Comment. in Joelem Prophetam. M. S.

Expositionem in psalmum 78 Deus venerunt gentes. Ad insinuationem Sebastiani Regis.

Confessiones S. Augustini ex Idiomate latino in Hispanicum traduxit. Salamanticae 1554, in 8. Antuerpiae 1555 et Coloniae 1556.

Didacus Barbosa Machado in Bibliotheca Lusitana historica, critica e chronologica, tomo III, pag. 702, col. I. Lisboa 1752.

Georgius Cardosus in Agiologio Lusitano, tomo III, pag. 667.

Joannes Soarius de Brito in theatro Lusit. literat., Lit. S, num. 13.

Gundisalvus de Illescas in vita Innocentii III, pag. 519.

Antonius Possevinus tomo II apparatus sacri.

Christianus Jöcher in universali Lexico Eruditorum, tomo IV, col. 1273. Lipsiae 1751.

Josephus Pamphilus in Chronicis Ordinis nostri, fol. 127. Romae 1581.

Angelus Rocca in collectione quorum operum, tomo II, pag. 113. Romae 1719.

Ferdinandus de Camargo in cronologia, pag. 309.

Antoninus a Purificatione de viribus illustribus Ordinis nostri, libro II, cap. 8. [P. 901]

Thomas Gratianus in Anastasi Augustiniana, pag. 162. Antuerpiae 1613.

Thomas de Herrera in Alphabeto Augustiniano, tomo II, pag. 392, col. II. Madriti 1644.

Philippus Elssius in Encomiastico Augustiniano, pag. 621. Bruxellis 1654.

Luigi Torelli ne’ Secoli Agostiniani, tomo VIII, carte 351, num. 7; carte 472, num. 9; carte 567, num. 28; carte 629, num. 21.

**************************************************************

Toscanus Antonius, natione Italus, Patria Erycinus, Alumnus Provinciae Siculae, vixit Saeculo 16. S. Theologiae Magister, Sacrarum literarum Explanator celebris et Concionator eloquentissimus propter Divinam humanamque sapientiam, qua claruit, Provinciam Siculam moderabatur, et in sui memoriam typis commisit: Orationem luculentissimam aeque ac elegantissimam.

Antoninus Mongitor in Bibliotheca Sicula, tomo I, pag. 78.

**************************************************************

Tregarius Conradus, natione Germanus, in hac enim lin­gua appellabatur Treer, latine vero torniator, Patria Helvetus, Alumnus Provinciae Rheno-Svevicae, vixit Saeculo 18. S. Theologiae Doctor. Potiora, quae de doctissimo hoc fidei orthodoxae Zwingliani monstri in Helvetia domitore noster Mag. Antoninus Höhn, in sua Chronologia Provinciae Rheno-Svevicae refert, hic inserere operae pretium esse duxi, pag. igitur 156 ita incipit: Conradus Tregarius, ab aliis torniatoris latine, germanice Treer dictus, de Friburgo Helvetiorum, studiorum causa Parisios missus. Anno 1509 mansit ibidem ad triennium, tam vitae sanctimonia, quam doctrinae praestantia exstitit commendatissimus; anno 1514 ad lecturam Bibliorum et sententiarum promotus, in Provincia inter caeteros doctorali laurea insignitos Patres eminuit. Discretus Generalis anno 1515 adjungebatur praeclaro P. Mag. Hieronymo Candelphio, Priori Constantiensi et Diffinitori Generali ad expediendas Provinciae causas apud Reverendissimum Patrem Generalem, et ubicunque necesse fuerit. Priorem locum in Conventu Friburgensi Helvetiorum tenuit anno 1514 et anno 1517 verbo et exemplo in eodem Prioris officio Argentinensem familiam direxit, simul ibidem studii generalis Mag. Regens: exinde proximo anno Provinciae Rheni et Sveviae gubernium suscepit; ita in antiquo libro Friburgi Brisgoiae legendum. Anno 1518 Dominica Jubilate celebratum est Capitulum Provinciale Spirae Vicario Reverendissimi existente Eximio, et R. P. Sacrae paginae Mag. F. Gregorio Lippoldi de Gamundia, electus est Provincialis Conradus Tregarius de Friburgo Uchtlandiae, Prior et Regens studii Argentinensis etc. Profecto misertus est nobis Dominus infausto hoc tempore, [P. 902] quo Sacra profanis, profana Sacris in Germania miscebantur, perversae libertati fraena laxabantur, disciplinae moderationem laxi aversabantur, variorum errorum, sectarum, et haeresium momstra orcus proferebat, Provinciae nostrae Rheno-Svevicae ex omni vix non parte angustiatae, donando, et inter corporis et animae pericula plurima conservando Conradum Tregarium, quem jure merito fidei Zelatorem Gabriel Venetus tunc Ordinis Generalis, Theologum Eximium Pamphilus, Patrem venerabilem Hoffmaisterus, vacillantis Ecclesiae fulcrum Mag. Arpe appellare non dubitarunt. Zwinglius Tockenburgicus Presbyter, ob infanda scelera expulsus Glarona, virus suum anno 1519 evomuit, nulli non licentiae juxta diu quaesitam libertatem Helvetis viam aperiendo, sacrilega is oratione, qua Tiguri non solum auctoritatem Romani Pontificis et caeterorum Praesulum quasi tyrannicam asseverabat, sed et omnes Regum, Principum ac Magistratuum pensiones tanquam inhonestas, sanguinarias, et exitiales damnabat, id assecutus est, ut incredibili populi plausu pro magno Propheta deinceps suspiceretur, ejusque verbis tanquam novo Evangelio fidem darent Tigurini anno 1525 et Constantienses anno 1526. Helvetiorum Anti Apostolum, ejus sectarios atque nefarios illorum errores pessumdare Conradus strenuissime allaboravit, contra enascentem haeresim statim scribendo librum, cujus titulus erat: Paradoxa centum de Ecclesia, concilior­umque authoritate, Reverendissimo et illustrissimo Principi Fabiano de Monte-Falcone Episcopo Lausannensi dicatum, contra quem pessimi novatores in lingua Germanica evulgabant libellum anno 1524 ad omnes Cantones, in quo plurima Hussiticae falsitatis dogmata regerebant, et Conradum Helvetis precipue per impactas calumnias abominabilem reddere conabantur. Adversum istum sacrilegum, mendaciisque plenum librum pariter in lingua vernacula scribit Conradus, hostesque Ecclesiae refutat in libello, cui titulus: Admonitio Fratris Conradi Treger, Ordinis S. Augustini per Superiorem Germaniam Provincialis, ad universos Cantones Helvetiae, ratione Bohemicae haeresis et Responsio ad libellum mendaciis et blasphemiis scatentem, quem quidam, qui se ministros Verbi nominabant, ubique in Helvetia divulgabant. Meminit etiam in ista Apologia, quod Constantiae quendam de Primoribus (forsan Ambrosium Blazer Praepositum ad S. Stephanum) [P. 903] jam haeretica labe infectum, monitis suis curare ac reducere in viam veritatis studuerit, minime tamen ab ipso exauditus. Improperabant Antagonistae, quo magis odium adversus Tregarium incendere possent, quod is Constantiae laudabilem Magistratum Argentinensem vilipenderit et vituperaverit, Constantiaeque schismata fundarit. Quam falsae autem istae imposturae ad oculum demonstrat, larvasque eorum tam sapienter detegit, ut merito erubescere debuerint. Et haec scriptura causam dedit, cur vir bonus Conradus noster Argentinae detruderetur ob veritatem dictan, sicut olim Joannes, in Carcerem, e quo tamen post longas macerationes et aerumnas a Patriotis Cantonibus in vera fide orthodoxa adhuc firmiter stantibus, et pro liberatione Argentinam scribentibus solutus fuit. E carcere ergo ab Argentinensibus dimissus, per multa viarum pericula petiit Friburgum Uchtlandiae non cessando jugiter decertare pro Ecclesia sancta Dei, indictis publicis disputationibus Badae Helvetiorum contra falsa Zwinglii dogmata 1526 et quando iterum indicta fuerat Catholicorum cum Zwinglianis disputatio in civitate Bernensi anno 1527 nullus, sicut scribit de illo laudabiliter Surius, nullus inquam catholicus Doctor praeter unum F. Conradum Tregarium ausus fuit comparere, et cum adversariis in arenam descendit, ac Victor palmam reportavit. Haec disputatio die 26 Januarii anno 1528 finita est. Ideo Conradus verus fidei catholicae Zelator, acerrimus haereticorum malleus et fortissimus verae Religionis propugnator appellari meretur, tandem post varios ab haereticis reportatos triumphos, post tot pro Ecclesia catholica exantlatos labores, ex hac mortali ad immortalem transiit vitam, die 25 Novembris, anno 1542. Ab eo reperiuntur:

Paradoxa centum de Ecclesiae Conciliorumque auctoritate. Argentinae. Opus hoc Reverendissimo et illustri Principi Fabiano de Monte Falcone dicavit.

Apologia, sive admonitio Fratris Conradi Treger Augustiniani Provincialis per superiorem Germaniam ratione haeresis Bohemicae ad universos Cantones Helvetiae una cum Responsione ad sacrilegum mendaciisque plenum librum, quem quidam ministri Verbi ubique in Helvetia divulgabant. Mense Majo anno 1524 in lingua Germanica. In hoc libello contra haeresiarchas edito, et quidem Argentinae, ubi tunc infensissimi Ecclesiae Romanae hostes insultabant, Tregarius spiritum fortitudinis imperterritus ostendit.

Dissertatio de Sacrificio Missae, quam incepit, sed teste Joanne Hoffmaistero, morte praeventus absolvere non valuit.

Christianus Jöcher in universali Lexico Eruditorum, tomo IV, col. 1297. Lipsiae 1751. [P. 904]

Joannes Hoffmaisterus in Epistola dedicatoria da Sacrificio Missae.

Treccius Dominicus, natione Italus, Alumnus Provinciae Marchiae Tarvisinae, Filius Coenobii Vicentini, vixit Saeculo 17. Vir humanis literis excultus et celebris Poeta. Prostat ab eo in publicum emissa Tragoedia, cui titulus: Cristo penoso e moriente. In Vicenza 1611, in 4.

Franciscus Xaverius Quadrio nella Storia e ragione d’ogni Poesia, volume III, carte 79.

**************************************************************

a Sanctissima Trinitate Apollonius, Excalceatus, Italus natione, Patria Siculus, Alumnus Congregationis Italicae, vixit Saeculo 17. Vir rarae pietatis, integerrimae vitae et singularis doctrinae, rexit Provinciam Panormitanam, et in lingua Italica composuit librum, cujus titulus:

Esaminatorio, o modo di confessione per farsi con puntualità e speditamente.

Antoninus Mongitor in Bibliotheca Sicula.

Christianus Jöcher in universali Lexico Eruditorum, tomo IV, col. 1320. Lipsiae 1751.

**************************************************************

de Sanctissima Trinitate Augustinus, natione Lusitanus, Alumnus Provinciae Lusitaniae, vixit Saeculo 16. S. Theologiae Doctor. Anno 1548, teste nostro Antonio de Calancha, in sua Historia Provinciae Peruntinae libro I, tomi I, cap. 12, ex puro zelo Christo animas lucrandi, cum quatuor Patribus Ordinis Minorum S. Francisci in regnum Peruanum transfretavit, inique in civitate Regum, seu Limae sedem vixit. Vivebat ex mera eleemosyna, et in publico foro Verbum Dei praedicabat populo, ignorantesque in catechesi instruxit. Inde redux, anno 1573 Universitatis Conimbricensis cathedraticus instituitur, morto vero Sebastiano Rege Lusitaniae e patria exul et profugus, fit Professor et Rector in Academia Tolosana et Burdigalensi, quae ejus profundam doctrinam admiratae sunt. Tolosae in Gallia, anno 1589 ex his tenebris in aeternam lucem excessit posteritati relinquens: [P. 905]

Comment. in Magistrum sententiarum et Divum Thomam, vol. III.

Tractatum de immaculata Conceptione B. V. Mariae.

Nicolaus Antonius Hispalensis in Bibliotheca Hispana, tomo I, pag. 130, col. II.

Hippolitus Marraccius in appendice ad Bibliothecam Marianam, pag. 19, col. I. Coloniae 1683.

Louis Moreri dans le grand dictionaire historique, tome I, pag. 623, col. I. Paris 1718.

Christianus Jöcher in universali Lexico Eruditorum, tomo IV, col. 1320. Lipsiae 1751.

Thomas Gratianus in Anastasi Augustiniana, pag. 44. Antuerpiae 1613.

Antonius a Purificatione in theatro triunphali.

Antonius de Calancha in Cronica Peruana.

Thomas de Herrera in Alphabeto Augustiniano, tomo I, pag. 64, col. II. Madriti 1644.

Philippus Elssius in Encomiastico Augustiniano, pag. 64. Bruxellis 1654.

Luigi Torelli ne’ Secoli Agostiniani, tomo VIII, carte 308, num. 17; carte 113, num. 2; carte 579, num. 13.

**************************************************************

a Sanctissima Trinitate Emmanuel, natione Lusitanus, Patria Ulyssipponensis, Alumnus Provinciae Lusitaniae, Filius Coenobii Dominae nostrae de Grazia, vixit Saeculo 18. S. Theologiae Magister, vir in quo pietas cum doctrina contendebat, ideo Eborae anno 1722 Prior eligebatur. Anno 1740 erat Qualificator Sancti Officii et Consultor Bullae cruciatae. Prelo publico evulgavit in lingua vernacula:

Novena da escareci da Madre S. Monica Manyda luz da Igreia, do Pay dos Padres, e do Principe dos Patriarchas S. Agostinho Fundador da Ordem Eremitica Augustiniana. Lisboa 1732, na Officina Augustiniana, in 12.

Aguia Africana voando pelos nove Coros Angelicos, ou Novena do clarissimo Sol da Igreia o grande P. S. Agostinho Fundador da Religiaon Eremitica Augustiniana. Lisboa 1733, por Ioze Antonio da Sylva, in 8.

Milagres de nossa Senhora a varios Religiosos dos Eremitas do S. Agostinho M. S. in fol.

Didacus Barbosa Machado in Bibliotheca Lusitana historica, critica e chronologica, tomo III, pag. 397, col. II. Lisboa 1752.

**************************************************************

Trissinas Guilielmus, natione Italus, Alumnus Provinciae Marchiae Tarvisinae, Filius Coenobii Vicentini, vixit Saeculo 17. S. Theologiae Magister, Praefectus Gymnasii Theologici Romani, Philosophus eminentissimus et in Theologicis summo loco est habitus. Ab eo reperiuntur: Controversiae scholasticae inter Divum Thomam et nostrum Aegidium Romanum summa eruditione conciliatae.

Thomas Gratianus in Anastasi Augustiniana, pag. 87. Antuerpiae 1613.

Nicolaus Crusenius in Monastico Augustiniano, parte III, cap. 43. Monachii 1623. [P. 906]

Thomas de Herrera in Alphabeto Augustiniano, tomo I, pag. 313, col. I. Madriti 1644.

Philippus Elssius in Encomiastico Augustiniano, pag. 266. Bruxellis 1654.

**************************************************************

Triumphus Augustinus, vide Lit. A. de Ancona Augustinus.

**************************************************************

Triumphus Guilielmus, natione Italus, Alumnus Provinciae Marchiae Anconitanae, Filius Coenobii Anconitani, vixit Saeculo 13. S. Theologiae Magister. Erat poenitentiarius Nicolai III Pontificis Maximi, Patruus nostri B. Augustini Triumphi, pietate ac doctrina ei minime dissimilis. Eminentissimo Cardinali Hugoni Dominicano summe acceptus. Anno 1275 communem omnium hominum viam ingressus est, corpus ejus Anconae in nostra Ecclesia sub summo altari quiescit. Publico typis communicavit:

Librum de poenitentia.

Ioannes Bunderius in compendio Lutheranae concertationis.

Josephus Pamphilus in Chronicis Ordinis nostri, fol. 31. Romae 1581.

Nicolaus Crusenius in Monastico Augustiniano, parte III, cap. 5, pag. 137. Monachii 1623.

Thomas de Herrera in Alphabeto Augustiniano, tomo I, pag. 306, col. I. Madriti 1644.

Philippus Elssius in Encomiastico Augustiniano, pag. 260. Bruxellis 1654.

Luigi Torelli ne’ Secoli Agostiniani, tomo IV, carte 790, num. 9.

**************************************************************

Tudertinus Simon, vide Lit. R. Raynalduccius Simon.

**************************************************************

Tuffarelli Leonardus, natione Italus, Patria Neapolitanus, Alumnus Provinciae Terrae Laboris, Filius Coenobii Neapolitani, ad initium Saeculi 17 adhuc vivebat, ut patet ex opere ab eo anno 1610 in publicum emisso, hoc enim anno edidit:

Vitam Bernardi de Rogliano fundatoris Congregationis Coloritensis in Calabria citeriore.

Augustinus Fivizanus, et Author Anonymus Gallus in historia Ordinum.

**************************************************************

Tuiforde Rogerus vulgo Goodluck, natione Anglus, Alumnus Provinciae Angliae, vixit Saeculo 14. S. Theologiae Magister, vir ab ingenio, a pietate, a doctrina et mirifica dicendi docendique facultate omni laude dignissimus. Quidquid a perorando, instruendo, et libris scribendis temporis supererat, id omne precibus, meditationibus et rerum divinarum contemplationi consecravit, de cujus scriptis subiecta feruntur:

Itinerarium mentis in Deum. Incipit: Cum omnis scientia etc.

Sermones eruditi. Quorum initium: Veniet desideratus etc. [P. 907]

Ioannes Baleus in cathalogo Scriptorum illustrium majoris Britanniae centuria VII, pag. 518. Basileae 1559.

Ioannes Pitseus de Scriptoribus Angliae, fol. 66, sub anno 1395.

In Bibliotheca Conradi Gesneri per Josiam Simlerum recognita et in duplum aucta, pag. 611, col. II. Tiguri 1574.

In eadem Bibliotheca per Joannem Jacobum Frisium ex Bibliotheca Caesarea Viennensi amplificata, pag. 736, col. I. Tiguri 1583.

Albertus Fabricius in Bibliotheca latina mediae et infimae aetatis, sive latinitatis, libro XVII, pag. 339.

In eadem Bibliotheca per Joannem Dominicum Mansi correcta, illustrata et aucta, tomo VI, pag. 120, col. I. Patavii 1574.

Christianus Jöcher in universali Lexico Eruditorum, tomo IV, col. 1352. Lipsiae 1752.

Josephus Pamphilus in Chronicis Ordinis nostri, fol. 66. Romae 1581.

Thomas Gratianus in Anastasi Augustiniana, pag. 161. Antuerpiae 1613.

Nicolaus Crusenius in Monastico Augustiniano, parte III, cap. 20, pag. 161. Monachii 1623.

Thomas de Herrera in Alphabeto Augustiniano, tomo II, pag. 348, col. I. Madriti 1644.

Philippus Elssius in Encomiastico Augustiniano, pag. 611. Bruxellis 1654.

Luigi Torelli ne’ Secoli Agostiniani, tomo VI, carte 288, num. 28.

**************************************************************