K
[P. 488]
Kalzer Ambrosius, natione Germanus, Patria Carniolus, Alumnus Provinciae Austriae, Filius Coenobii Labacensis, vixit Saeculo 18. Condonando haud vulgarem sibi peperit famam, e suggestu per 18 annos, maxime Labaci, magno zelo populo Verbum Dei proposuit; dein Prior Conventus Labacensis electus die 17 Novembris anno 1754 naturae concessit et posteritatis memoriae in lingua Germanica typis consecravit:Sermonem panegyricum de S. Nicolao Tolentinate. Labaci typis Adami Francisci Reichhardt 1745.
Catalogus Scriptorum Provinciae nostrae Austriacae.
**************************************************************
Kerbekius Antonius
, natione Germanus, Patria Belga, Alumnus Provinciae Belgicae, Filius Coenobii Lovaniensis, ad initium Saeculi 17 adhuc in vivis erat. S. Theologiae Doctor, fuit flagellum Calvinistarum, Prior Conventus Moguntini, et Provincialis nostrae Provinciae Bavaricae ab anno 1581 usque ad annum 1587 dein functus est munere Commissarii Generalis Provinciae Rheni et Sveviae. Demum Moguntiae die 24 Decembris anno 1629 rebus humanis exemptus est. In lucem dedit:Tractatum de veteris et novae legis Sacramentis. Moguntiae 1600, in 4.
Colloquium cum quodam Calvinista habitum. Moguntiae 1602, typis Albini.
Multos dialogos controversiarum.
Conciones Quadragesimales P. Panigorolae, et vitam S. Theresiae in latinum transtulit.
Ioannes Franciscus Foppens in Bibliotheca Belgica, tomo I, pag. 80, col. I.
Henningus Witte in diario biographico ad annum 1629.
Christianus Jöcher in universali Lexico Eruditorum, tomo II, col. 2069. Lipsiae 1750.
Thomas Gratianus in Anastasi Augustiniana, pag. 34. Antuerpiae 1613.
Thomas de Herrera in Alphabeto Augustiniano, tomo I, pag. 65, col. I. Madriti 1644.
Philippus Elssius in Encomiastico Augustiniano, pag. 81. Bruxellis 1654.
**************************************************************
Kickeleius Joannes
, natione Anglus, Alumnus Provinciae Angliae, vixit Saeculo 15. Vir pietate et eruditione resplendens, inimicorum Dei et Ecclesiae notissimus hostis, quia eos lingua et calamo incessanter persecutus est, congessit enim:Opus tripartitum de potestate Ecclesiastica contra Wiclefum, ejusque fautores.
Abraham Bzovius in Annalibus ad annum 1415, tomo 15.
Ioannes Bitseus de Scriptoribus Angliae ad annum 1381.
Thomas de Herrera in Alphabeto Augustiniano, tomo I, pag. 465, col. I. Madriti 1644.
Luigi Torelli ne’ Secoli Agostiniani, tomo VI, carte 465, col. I. In Bologna 1680.
**************************************************************
[P. 489]
Klenke Joannes, natione Germanus, Alumnus Provinciae Thuringo Saxonicae, Filius Coenobii Erfordiensis, vixit Saeculo 14. Juris utriusque Doctor, eorum, qui in Germania scientiam juridicam profitebantur, facile Princeps atque invictus Verbi Dei Praeco, et procelloso illo tempore coelestium castrorum triumphalis Athleta, qui ob veritatis defensionem multa perpessus, in civitate Magdeburgensi ad instar Apostoli Pauli in sporta per murum submissus, manus insidiantium evasit, prout Summo Pontifici Joanni XXII scripsit. Eorum, quae summo studio concinnavit, index est subsequens, scilicet:Comment. in libros sententiarum duplici stylo litterali et quaestionali.
Comment. in Evangelium S. Matthaei.
Comment. in acta Apostolorum.
Decadicon.
Quodlibeta totius juris.
Epistola ad Joannem XXII Pontificem Maximum.
Albertus Fabricius in Bibliotheca Latina mediae, et infimae aetatis, sive latinitatis, libro X, pag. 663.
In eadem Bibliotheca per Joannem Dominicum Mansi correcta, illustrata, et aucta, tomo IV, pag. 225, col. I. Patavii 1574.
**************************************************************
Klug Carolus
, natione Germanus, Alumnus Provinciae Rheno-Svevicae, vixit adhuc Saeculo 18. Officio Supprioris magno cum honore satisfecit, nam egregius Musicus, et insignis organoedus erat, qui composuit:Quaedam Musicalia, quibus non tantum nostri sed etiam alii Religiosi ad laudandum Deum utuntur.
Antonius Hölm in Chronologia Provinciae nostrae Rheno-Svevicae, pag. 332. Herbipoli 1744.
**************************************************************
Kneutgen Augustinus
, natione Germanus, Patria Belga, Alumnus Provinciae Coloniensis, vixit adhuc ad initium Saeculi 18. S. Theologiae Licentiatus in Universitate Coloniensi, in qua per plures annos, sicut etiam Brunae in Moravia in nostro Monasterio Professor exstitit, postea Reverendissimi Episcopi Olomucensis Theologus, ac Bibliothecarius fuit, demum Priorem Conventus Trevirensis egit, in quo officio morti succubuit. Doctissime confecit, ediditque:Quaestiones Theologicas in primam secundae Divi Thomae, Brunae 1702, typis Jacobi Swobadae.
Iosephus Harzbeim in Bibliotheca Coloniensi, pag. 26, col. I.
**************************************************************
[P. 490]
Knieze Bruno, natione Germanus, Patria Bohemus, Alumnus Provinciae Bohemicae, Filius Coenobii ad S. Thomam Pragae. Erat Praeses Confraternitatis Cincturatorum B. V. Mariae de Consolatione. Die 11 Octobris anno 1756 excessit e vita. In lingua Bohemica et Germanica praelo commisit:Libellum de praefata Confraternitate anno 1743.
Catalogus Scriptorum Provinciae nostrae Bohemicae.
**************************************************************
Knippinga Aurelius
, natione Germanus, Patria Belga, Alumnus Provinciae Belgicae, Filius Coenobii Teneraemondanae, vixit Saecu1o 17. Praefuit Monasterio Teneraemondano, dein munus Missionarii ei collatum est. Author est libri intitulati: Ephemerides Sanctorum Ordinis nostri 1672.Nicolaus de Tombeur in Provincia Belgica Augustiniana, pag. 196. Lovanii 1727.
**************************************************************
Knorr Aegidius
, natione Germanus, Patria Austriacus, Alumnus Provinciae Austriae, vixit Saeculo 17. S. Theologiae Praesentatus, multis annis ejusdem curae, et instructioni Novitii concrediti fuere, functus etiam fuit olim officio Capellani Castrensis militum Theutonicorum magni Ducis Hetruriae. Denique non solum Prior Graecensis, sed etiam anno 1686 Provincialis electus fuit. Erat vir mirabili eloquentia praeditus. Viennae die 9 Maij anno 1701 rebus humanis valedixit aetatis 71, Religionis 55. Duo volumina congessit:Sermonum in Dominicas per annum diversis annis dictorum. Tomi II, in 4.
Sermonum in dies festos Sanctorum per annum. M. S. S. exstant in nostra Bibliotheca Viennensi.
Catalogus Scriptorum Provinciae nostrae Austriacae.