E
[P. 308]
Ebenauer Hieronymus, natione Germanus, Patria Bohemus Pragensis, Alumnus Provinciae Bohemicae, vixit Saeculo 17. Pragae in alma Regio Caesarea Carolo Ferdinandea Universitate S. Theologiae Doctor, ad S. Thomam studiorum Regens, et famosus Sacrarum literarum Professor, Proceribus Bohemiae charissimus, atque a Conciliis acceptissimus, anno 1667 in Capitulo Generali, in quo Dominicus Valvasorius Mediolanensis in Priorem Generalem electus fuit, jussu Eminentissimi Cardinalis Germaniae Protectoris Romae Praeses erat publicae disputationis sub auspiciis Augustissimi Imperatoris Leopoldi I habitae. Fulgebat munere Prioris ac Provincialis, et die 21 Januarii anno 1694 ad S. Benignam naturae debitum reddidit, atque lucem publicam decoravit:Theologia scholastica in discursus quinquaginta distributa, 1680.
[P. 309]Libello spirituali, cui titulus: Dulia scholastica.
Catalogus Scriptorum Provinciae nostrae Bohemicae.
**************************************************************
Eboracensis Joannes
, natione Anglus, Alumnus Provinciae Angliae, Filius Coenobii Eboracensis, vixit Saeculo 14. Vir divinis et humanis disciplinis insigniter imbutus Sacrae Scripturae egregius exstitit interpres, scripsit enim: In Symbolum Apostolum, Orationem Dominicam et salutationem Angelicam.Sixtus Senensis in catalogo Expositorum Sanctae Scripturae.
Thomas de Herrera in Alphabeto Augustiniano, tomo I, pag. 466, col. II. Madriti 1644.
Angelus Rocca tomo II, pag. 117. Romae 1719.
Philippus Elssius in Encomiastico Augustiniano, pag. 370. Bruxellis 1654.
**************************************************************
Eckardt Albertus
, natione Germanus, Patria Austriacus Viennensis, Alumnus Provinciae Austriae et Hungariae, Filius Coenobii Viennensis, vixit Saeculo 18. Leucae officio Procuratoris fungebatur, in quo die 15 Octobris 1752 fatis abreptus, nobis reliquit orationem panegyricam, cui titulus:Lingua Verbi verbo elingui docens mundum universum cum ab incarnato Verbo missus et promissus divinissimus Spiritus virtute, et sapientia mundum informaret, panegyrica dictione coram Universitate Viennensi deferente P. Mag. Antonio Cäpler, Ord. Erem. S. Augustini, facultatis Theologicae Decano, oratore P. Alberto Eckardt. Ejusdem Ordinis Theologiae Auditore 1747. Ex typographia Kaliwodiana.
Catalogus Scriptorum Provinciae nostrae Austriae et Hungariae.
**************************************************************
Eder Wolfgangus
, natione Germanus, Patria Bavarus Scheneckensis, Alumnus Provinciae Bavaricae, vixit adhuc ad initium Saeculi 18. S. Theologiae Magister, divinarum, humanarumque litterarum indagator accuratissimus, Ecclesiastes eloquentissimus, linguarumque peritus, ob integritatem vitae, et singularem conversandi artem Serenissimo Electori Maximiliano II omnibusque Proceribus aulae acceptissimus, tertium Provincialis die 3 Junii anno 1703, non tantum cum magno Provinciae nostrae, sed etiam totius aulae, universaeque civitatis luctu cursum vitae consummavit. Publici juris fecit:Testimonia Synagogae et gentilitatis de Divinitate, Incarnatione, miraculis, Passione quoad singula tormenta, resurrectione, nec non secundo Adventu in extremo judicio Jesu Christi Salvatoris nostri ex Prophetiis, Historicis, Poetis aliisque gentilibus congesta. Monachii 1681, in 4.
Librum, cujus titulus: Die andere Belt. (id est) quod post hanc vitam temporalem detur aeterna. Monachii 1700, altera editio, in 4.
Arcana vitae spiritualis. Monachii 1679.
[P. 310]Fontem gratiarum, seu indulgentiarum omnium S. Archi Confraternitatis S. Mariae de consolatione sive Cincturatorum. Monachii 1689, dein auctum 1721, in 8.
Aerumnas Christi a nostro Thoma a Jesu ex Italico in Germanicum vertit addendo tres indices. Monachii 1678, in 4.
Vitam S. Joannis a S. Facundo pariter ex Idiomate Italico in Germanicum transtulit. Monachii 1691, in 8.
Sermones etiam aliquos prelo submissos ab eo habemus, inter quos non ultimum meretur locum sermo funebris in exequiis perillustris D. D. Catharinae Constantiae Adelhaidis, S. R. J. Comitissae de Hochenwaldeck etc. natae Baronissae de Spirinck, Monachii per Lucam Straub, in 4.
Omnia haec exstant in nostra Bibliotheca Monacensi.
**************************************************************
Eduardus Pacheco
, vide Lit. P. Pacheco Eduardus.**************************************************************
Edwardston Thomas
, natione Anglus, Patria Suffolcensis, Alumnus Provinciae Anglicanae, Filius Coenobii Clarensis, vixit Saeculo 14. S. Theologiae Doctor Oxoniensis. Leonello Duci Clarentiae a Sacris Confessionibus fuit, cujus opera teste Joanne Pitseo, sed reclamante Jacobo Waraeo ad Archi-Episcopatum Hiberniae fuit promotus. Joannes Dominicus Mansi arbitratur, quod tantum titularis fuerit in partibus infidelium. Anno 1396, die 20 Maii, in Conventu Clarensi vitam posuit ibidem solemniter sepultus. Orbi litterato se notum reddidit per:Lecturas scholasticas.
Determinationes Theologicas.
Sermones per annum.
Thomas Tannerus, pag. 252. Londini 1748.
Ioannes Baleus in cathalogo Scriptorum illustrium majoris Britanniae cent. VII, pag. 513. Basileae 1559.
Iacobus Waraeus de Scriptoribus Hiberniae, pag. 126.
Conradus Gesnerus in appendice ad suam Bibliothecam, fol. 100. Tiguri 1555.
In ipsa Bibliotheca per Iosiam Simlerum recognita, et in duplum aucta, pag. 661, col. I. Tiguri 1574.
In eadem Bibliotheca per Joannem Jacobum Frisium ex Bibliotheca Caesarea Viennensi amplificata, pag. 794, col. II. Tiguri 1583.
Albertus Fabricius in Bibliotheca Latina mediae, et infimae aetatis, sive latinitatis, libro XIX, pag. 707.
In eadem Bibliotheca per Joannem Dominicum Mansi correcta, illustrata, et aucta, tomo VI, pag. 251, col. II. Patavii 1574.
Christianus Iöcher in universali Lexico Eruditorum, tomo II, col. 280. Lipsiae 1750.
Josephus Pamphilus in Chronicis Ordinis nostri, fol. 63. Romae 1581.
Thomas Gratianus in Anastasi Augustiniana, pag. 172. Antuerpiae 1613.
Thomas de Herrera in Alphabeto Augustiniano, tomo II, pag. 452, col. I. Madriti 1644.
[P. 311]Philippus Elssius in Encomiastico Augustiniano, pag. 660. Bruxellis 1654.
Luigi Torelli ne’ Secoli Agostiniani, tomo VI, carte 337, num. 9. In Bologna 1680.
**************************************************************
Egumonde Guilielmus
, natione Anglus, Alumnus Provinciae Anglicanae, Filius Coenobii Stanfordensis, vixit Saeculo 14. S. Theologiae Doctor, et Professor publicus, erat eloquens orator, Philosophus singularis, et Theologus famosus, qui doctis suis concionibus, eruditis lectionibus, et acutis disputationibus tantam acquisivit laudem, ut instante Reverendissimo, ac celsissimo Henrico Belfortio, Lincolniensi Episcopo, Pittinensis Episcopus, et ejusdem Henrici Suffraganeus ordinatus fuerit. Composuit:Replicationes scholasticas.
Sermones ad plebem.
Ioannes Baleus in cathalogo Scriptorum illustrium majoris Britanniae cent. VII, pag. 515. Basileae 1559.
Conradus Gesnerus in appendice ad suam Bibliothecam, fol. 45. Tiguri 1555.
In ipsa Bibliotheca per Iosiam Simlerum recognita, et in duplum aucta, pag. 254, col. II. Tiguri 1574.
In eadem Bibliotheca per Joannem Jacobum Frisium ex Bibliotheca Caesarea Viennensi amplificata, pag. 302, col. II. Tiguri 1583.
Albertus Fabricius in Bibliotheca Latina mediae, et infimae aetatis, sive latinitatis, libro VII, pag. 430.
In eadem Bibliotheca per Joannem Dominicum Mansi correcta, illustrata, et aucta, tomo III, pag. 146, col. I. Patavii 1574.
Christianus Iöcher in universali Lexico Eruditorum, tomo II, col. 291. Lipsiae 1750.
Josephus Pamphilus in Chronicis Ordinis nostri, fol. 61. Romae 1581.
Thomas Gratianus in Anastasi Augustiniana, pag. 85. Antuerpiae 1613.
Nicolaus Crusenius in Monastico Augustiniano, parte III, cap. 19. Monachii 1623.
Thomas de Herrera in Alphabeto Augustiniano, tomo I, pag. 295, col. I. Madriti 1644.
Philippus Elssius in Encomiastico Augustiniano, pag. 262. Bruxellis 1654.
Luigi Torelli ne’ Secoli Agostiniani, tomo VII, carte 284, num. 15. In Bologna 1680.
Dominicus Antonius Gandolfus in Dissertatione historica de 200 Scriptoribus Augustinianis, pag. 153. Romae 1704.
**************************************************************
de S. Eleonora Vincentius
, Excalceatus, Alumnus Congregationis Italicae, vixit Saeculo 17. Vir bonarum literarum cognitione dives, integerrimae vitae, et doctrinae non mediocris. Ab eo in lingua Italica edita sunt:Probatica piscena del purgatorio. In Vienna 1638. Exstat in nostra Bibliotheca Monacensi.
**************************************************************
a S. Elpidio Alexander
, natione Italus, Patria ex domo Fassitelli de S. Elpidio Marchiae Anconitanae oppido, Alumnus Provinciae Picenae, [P. 312] vixit Saeculo 14. S. Theologiae Magister, vir intellectus Angelici, insignis Theologus, famosus Praedicator, et magnus defensor potestatis Ecclesiasticae ac Pontificiae, Viterbii in Capitulo Generali in monasterio nostro S. S. Trinitatis die 14 Maij anno 1312 communi applausu ad officium Generalatus fuit adhibitus, in qua dignitate, et munere anno 1315 in Comitiis generalibus Patavii celebratis. Anno 1318 in Capitulo Generali Arimini habito anno 1321 in congressu Tarvisino, et quinta vice anno 1324 in Synedrio Montispesulano confirmatus fuit. Durante suo officio a Joanne XXII Pontifice Maximo pluries ad diversos Principes pro tuenda Ecclesiastica jurisdictione Legatus missus fuit. Erat summus amator, et promotor studiorum, Albertum enim Patavinum, Gerardum Genensem aliosque egregios viros ex Universitate Parisiensi in Italiam vocavit, ut studia erigerent. Incongrue aliqui ex nostris Scriptoribus asserunt, quod a Joanne XXII Archi-Episcopus Cretensis aut Ravennatensis, vel Amalphitanus creatus fuerit; ipsam veritatem nobis ex antiquo Registro Provinciae Romanae detexit P. Mag. Aloysius Torelli, nam tomo V in suis Saeculis Augustinianis pag. 410, num. 13, verba praedicti Registri in medium producit, quae sic sonant: et post haec per Sanctissimum D. D. Joannem Summum Pontificem electus est in Archi-Episcopum Cretensem, sed post paucos dies inventum est, quod supra dictus Archi-Episcopus vivebat, et per eundem S. Patrem provisum est ei de Episcopatu Melfetano, et per paucos menses vivens Episcopus diem clausit extremum. Ex his clare patet, quod Scriptores nostri in adnotationibus in fine additis num. 41 producti circa electionem nostri Alexandri de S. Elpidio ad Archi-Episcopatum hallucinati sint, vide Num. 41 noster Dominicus Antonius Gandolfus vero ex dicta relatione infert, quod Alexander naturae debitum reddiderit anno 1325. Ab eo scripta et edita fuere subjecta opera:Libri II de jurisdictione Imperii, et auctoritate Summi Pontificis, Lugduni 1498 per Claudium Gibeleti, in 4. Ludovicus Moreri adhuc aliam producit editionem de anno 1538. M. S. exstat Romae in Bibliotheca Vaticana, et Cantabrigiae in collegio Emanuelis, Codex I, item ter in Bibliotheca regia Parisiis.
Libri II de Ecclesiastica potestate ad Joannem XXII Pontificem Maximum. Incerta est donatio Constantini Magni facta Ecclesiae Romanae, M. S. reperitur in nostra Bibliotheca Cremonae, et Cantabrigiae in Bibliotheca Collegii Emmanuelis, Codex 10, bis in Bibliotheca regia Parisina, num. 4046 et 4230. Mediolani ad S. Ambrosium, item in Bibliotheca Regis Angliae. Tractatus de Ecclesistica potestate studio et cura nostri Angeli Vantii, impressus fuit Arimini 1624.
[P. 313]Alexandri de S. Elpidio, Ord. Fratrum Heremitarum S. Augustini, Expositio in Evangelium S. Joannis, et Epitome librorum de civitate Dei S. Augustini. Hic Commentarius M. S. exstat Parisiis in Bibliotheca regia, Codex 4230 et Codex 640, cuius titulus: Incipit expositio Evangelii B. Joannis cum compendio librorum B. Augustini de civitate Dei, a Fr. Alexandro de S. Elpidio Sacro Sanctae paginae Professore Fratrum Eremit. Divi Augustini. Prologus incipit: Venerabili in Christo Patri, et Domino speciali D. Francisco Gaitani divina Providentia S. Mariae in Cosmedin Cardinali, Fr. Alexander Prior Generalis Fratrum Eremit. Ord. D. Augustini licet indignus seipsum ad omnia obsequia in Domino praeparatum vestrae Celsitudinis Reverendae cupiens ex toto mentis affectu parere mandatis. Post editionem Ariminensem factam 1624 et Lugdunensem 1498. Tractatus de auctoritate Summi Pontificis, et de potestate Ecclesiastica recusi inveniuntur, in tomo II Bibliothecae Pontificiae Joannis Thomae Recaberti. Romae 1695.
Liber de paupertate Evangelica. Exstat M. S. Cremonae in nostra Bibliotheca, et quondam erat in Colbertina. In Bibliotheca regia Parisiis habetur, Codex M. S. num. 4230 cujus inscriptio: Mensa pauperum authore A. Ord. Eremit. S. Augustini. Mihi videtur esse idem liber.
Liber de Ecclesistica unitate. M. S. olim existebat in Bibliotheca Colbertina. Cremonae autem de facto in nostra Bibliotheca asservatur.
Bernardus de Montfaucon in Bibliotheca Bibliothecarum M. S. S. tomo I, pag. 506, col. II; item pag. 629, col. II.
Dans le Dictionaire historique, litteraire, et critique, tome I, pag. 105.
Guilielmus Cave in historia litteraria Scriptorum Ecclesiasticorum in Saeculo Wiclesiano, tomo II, pag. 16, col. I.
Franciscus Arisius in Cremona Litterata, tomo II, pag. 377.
Ioannes Godefridus Olearius in Bibliotheca Scriptorum Ecclesisticorum, tomo I, pag. 31.
Natalis Medaglia nelle memorie Istoriche di S. Elpidio, libro III, parte II, cap. I, pag. 73.
Ludovicus Iacob a S. Carolo in Bibliotheca Pontificia.
Casimirus Oudin in Commentariis de Scriptoribus Ecclesiasticis, tomo III, col. 881.
Louis Moreri dans le grand dictionaire historique, tome II, pag. 203, col. II, a Paris 1718.
Louis Elies du Pin dans la Bibliotheque des Auteurs Ecclesiastiques XV Siecle.
In Bibliotheca Conradi Gesneri per Josiam Simlerum recognita, et in duplum aucta, pag. 23, col. II. Tiguri 1574.
In eadem Bibliotheca per Joannem Jacobum Frisium ex Bibliotheca Caesarea Viennensi amplificata, pag. 26, col. II. Tiguri 1583.
Albertus Fabricius in Bibliotheca latina mediae, et infimae aetatis, sive latinitatis libro I, pag. 168.
In eadem Bibliotheca per Joannem Dominicum Mansi correcta, illustrata, et aucta, tomo I, pag. 64, col. I. Patavii 1574.
Christianus Iöcher in universali Lexico Eruditorum, tomo I, col. 257. Lipsiae 1750.
Henricus de Urimaria in tractatu de origine Ordinis.
Jordanus de Saxonia in opere Vitas Fratrum, libro II, cap. 14, et libro IV, cap. 8. Leodii 1625.
Josephus Pamphilus in Chronicis Ordinis nostri, fol. 40, 44, 45 et 46. Romae 1581.
Thomas Gratianus in Anastasi Augustiniana, pag. 15. Antuerpiae 1613.
Nicolaus Crusenius in Monastico Augustiniano, parte III, cap. 12. Monachii 1623.
[P. 314]Thomas de Herrera in Alphabeto Augustiniano, tomo I, pag. 37, col. II. Madriti 1644.
Philippus Elssius in Encomiastico Augustiniano, pag. 28. Bruxellis 1654.
Luigi Torelli ne’ Secoli Agostiniani, tomo V, carte 328, num. 2; carte 339, num. 2; carte 363, num 4; carte 378, num. 2; carte 400, num. 2; carte 409, num. 11, 12 et 13. In Bologna 1680.
Dominicus Antonius Gandolfus in Dissertatione historica de 200 Scriptoribus Augustinianis, pag. 42. Romae 1704.
**************************************************************
Elssius Philippus
, natione Germanus, Patria Belga, Alumnus Provinciae Belgicae, Filius Coenobii Bruxellensis, vixit Saeculo 17. Vir in studium historicum propensissimus, qui majorem vitae suae partem impendit conscribendis personis Ordinis nostri sanctitate, dignitate, ac doctrina insignibus. Anno 1654 mortuus est, memoriam sui apud posteros aeternam faciens per opus, cui titulus:Encomiasticum Augustinianum ordine Alphabetico, in quo personae Ordinis Eremitarum S. P. Augustini sanctitate, Praelatura, legationibus, et scriptis praestantes enarrantur. Bruxellis 1654 apud Franciscum Vivienum, in fol.
Ioannes Franciscus Foppens in Bibliotheca Belgica, tomo II, pag. 1031, col. I.
Louis Moreri dans le grand dictionaire historique, tome II, pag. 585, col. I, a Paris 1718.
Christianus Iöcher in universali Lexico Eruditorum, tomo II, col. 331. Lipsiae 1750.
Nicolaus de Tombeur in Provincia Belgica Augustiniana, pag. 171. Lovanii 1727.
**************************************************************
van der Elst Joannes
, natione Germanus, Patria Belga, Alumnus Provinciae Belgicae, Filius Coenobii Gandavensis, vixit Saeculo 17. Bonarum artium amator, et cultor insignis praecipue Musices, in lingua Belgica imprimi curavit: Fundamenta Musices 1662.Nicolaus de Tombeur in Provincia Belgica Augustiniana, pag. 144. Lovanii 1727.
**************************************************************
Emmanuel de Conceptione
, vide Lit. C. de Conceptione Emmanuel.Emmanuel de Durango
, vide Lit. D. de Durango Emmanuel.Emmanuel de Lacerda
, vide Lit. L. de Lacerda Emmanuel.Emmanuel Leal
, vide Lit. L. Leal Emmanuel.Emmanuel Roderiquez
, vide Lit. R. Roderiquez Emmanuel.**************************************************************
de Empoli Laurentius
, natione Italus, vixit Saeculo 17. S. Theologiae Doctor, in diversis studiis praecipue Romae cathedram Theologicam moderatus est. [P. 315] Erat iterato Procurator Generalis totius Ordinis, et S. Romanae Inquisitionis Qualificator, vir in omni genere scientiarum clarus, excellentiam doctrinae suae in sequentibus a se relictis et in publicum datis operibus abunde manifestavit. Supremis fatis die 9 Novembris anno 1632 succubuit. Opera ejus sunt:Bullarium Augustinianum, dedicatum Eminentissimo Cardinali Antonio Barbarino, ex typographia Camerae Apostolicae. Romae 1628, in fol.
Compendium Bullarum Pontificiarum ad Ordinem nostrum spectanctium. Romae typis Camerae Apostolicae 1629, in 4.
Catalogus Priorum Generalium, Capitulorum Generalium, et Procuratorum Generalium, Assistentium, et Praefectorum Sacrarii Pontificii. Romae 1608.
Affectuosa colloquia animae ad membra et vulnera Christi cum additione nonnullorum soliloquiorum. Bononiae 1609.
Mons Sion, vel de oratione mentali, Bononiae 1616, in 8.
Corona duodecim Apostolorum, sive de Symbolo fidei. Ravennae 1629.
Septimana Spiritualis.
Sacri Praeconis licentia (id est) de humanioribus literis a catholico concionatore in concionibus suis adhibendis.
Hortus praedicantium (id est) morales annotationes, et Paraphrases in Evangelia, et Epistolas Quadragesimae.
Thalamus coelestis sponsi (id est) de adventu Domini in carne suscipiendi in mystico animae thalamo.
Ludovicus Iacob a S. Carolo in Bibliotheca Pontificia, libro II, pag. 384.
Thomas de Herrera in Alphabeto Augustiniano, tomo II, pag. 25, col. II. Madriti 1644.
Philippus Elssius in Encomiastico Augustiniano, pag. 425. Bruxellis apud Franciscum Vicinum.
**************************************************************
Epifani Octavianus
, natione Italus, Alumnus Congregationis Lombardiae, Filius Coenobii Bononiensis, vixit Saeculo 17. S. Theologiae Magister. Virtutum summus amator, vitiorumque hostis acerrimus, omnium, quos Italia tunc protulit, Concionatorum nobilissimus, reliquit in nostra Bibliotheca Bononiae:Sex volumina sermonum, et lectionum spiritualium.
Luigi Torelli ne’ Secoli Agostiniani, tomo IV, carte 703, num. 36. In Bologna 1675.
**************************************************************
Erasmus Liehre
, vide Lit. L. Liehre Erasmus.**************************************************************
Erghon Joannes
, natione Anglus, Patria Eboracensis, Alumnus Provinciae Anglicanae, Filius Coenobii Eboracensis, vixit Saeculo 15. S. Theologiae Doctor. Excellentem hunc virum noster Dominicus Antonius Gandolfus in sua dissertatione historica de 200 Scriptoribus Augustinianis, pag. 212 his laudat verbis: Oxoniensis Professor non solum in Philosophicis, sed etiam in Theologicis clarissimus. [P. 316] Maturitatem ingenii orisque facundiam omnibus in eruditis functionibus semper ostendit. Egregia quoque, et in audita saepius in concionibus proponebat. Nemo eo felicius, aut acutius in Scripturarum Commentariis, sive in Sacris orationibus, Bibliorum typicum sensum, divinarum rerum oracula, et allegorias eo tempore elucidavit. Quaesitis itaque Authoribus, qui in similibus aperiendis sensibus excelluerunt, nempe Methodio, Joachimo Abbate, Cyrillo Carmelita, Joanne Brindlingtono, Roberto Userio, Joanne Rupescisa, Joanne Barsignacio, Sybillis, aliisque eos diligenter pervolvit, emedullavitque, ac suis studiis adauxit. Quapropter eruditissimi Henschenius, et Papebrochius in primo tomo Martii pag. 499 loquentes de vaticiniis Abbatis Joachim memorant sic: Joannes Erghon Anglus, Eremita Augustinianus cum aliis collegit, et compilationes vaticiniorum inscripsit. Decessit Eboraci, apud nostros sepultus circa annum 1490. Concinavit:Librum compilationum vaticiniorum. Incipit: Ego Augustiniensium minimus.
Libros III in vaticinia Joannis Bridlingtoni. Incipit: Illustrissimo Domino etc.
Sermones vulgares.
Librum in carmina Joannis Canonici.
Libros II calculationum Astrologicarum.
Thomas Tannerus, pag. 263. Londini 1748.
Ioannes Baleus in cathalogo Scriptorum illustrium majoris Britanniae cent. VIII, pag. 623. Basileae 1559.
Guilielmus Eysengrein in Catalogo testium veritatis, pag. 176. Dilingae 1565.
In Bibliotheca Conradi Gesneri per Josiam Simlerum recognita, et in duplum aucta, pag. 363, col. II. Tiguri 1574.
In eadem Bibliotheca per Joannem Jacobum Frisium ex Bibliotheca Caesarea Viennensi amplificata, pag. 433, col. I. Tiguri 1583.
Christianus Iöcher in universali Lexico Eruditorum, tomo II, col. 380. Lipsiae 1750.
Josephus Pamphilus in Chronicis Ordinis nostri, fol. 92. Romae 1581.
Thomas Gratianus in Anastasi Augustiniana, pag. 111. Antuerpiae 1613.
Thomas de Herrera in Alphabeto Augustiniano, tomo I, pag. 473, col. II. Madriti 1644.
Philippus Elssius in Encomiastico Augustiniano, pag. 371. Bruxellis 1654.
Luigi Torelli ne’ Secoli Agostiniani, tomo VII, carte 389, num. 21. In Bologna 1682.
**************************************************************
Ernestus Schober
, vide Lit. S. Schober Ernestus.**************************************************************
Ertl Ignatius
, natione Germanus, Patria Bavarus Monacensis, Alumnus Provinciae Bavaricae, adhuc inter vivos spirabat Saeculo 18. Vir in concionibus sacris eximius, qui in celebrioribus monasteriis Provinciae nostrae praedicandi munere praeclare functus, in Conventu vallis speciosae die 20 Septembris anno 1713 cursum vitae suae concionando consummavit. [P. 317] Typis submisit in lingua Germanica:Sermones in omnes Dominicas totius anni intitulatos: Promontorium bonae spei. Augustae Vindelicorum, 1711, in 4.
Sermones Dominicales, quibus titulus: Tolle! Lege! Norimbergae 1720, in 4.
Sermones festivales. Norimbergae 1705, in 4.
Sermones de passione Domini, sub titulo: Amara dulcis. Augustae Vindelicorum 1712, in 4.
Sermones pro Adventu Domini, quorum titulus: Rorate. Norimbergae 1697, in 4.
Conciones miscellaneas. Augustae Vindelicorum 1715, in 4.
Insuper impressi fuere sequentes sermones panegyri, quorum primum dixit in Ecclesia Patrum Carmelitarum, dum Monachii primum Saeculum celebrabant. Tyipis Sebastiani Rauch, 1682. Alterum habuit in Ecclesia Patrum Minorum S. Francisci Seraphici durante celebratione Saeculi IV, 1684. Monachii per Joannem Jöcklinum. Tertium peroravit in Ecclesia Patrum Carmelitarum in festo Scapularis. Monachii 1691, per Lucam Straub.
Omnia haec opera cum sermonibus panegyricis habentur in Bibliotheca nostra Monacensi.
**************************************************************
Esaias Bonerus
, vide Lit. B. Bonerus Esaias.**************************************************************
de Escobar Petrus Suarez
, Natione Hispanus, Patria Metellinensis, Alumnus Provinciae Mexicanae, vixit Saeculo 16. Erat Mexici primarius Theologiae Professor, saepius Prior, demum Provinciae Mexicanae Moderator, et ejusdem Vicarius Generalis. In Theologiam tanta animi contentione incubuit, ut primarius, sicut primum audivimus, Professor constitutus fuerit, vis eximiae venerationis, magnae auctoritatis, facundissimae eloquentiae, et rarae experientiae in rebus agendis, atque ingentis animi, anno 1590 in paradisum coelestem translatus est. Ab eo publicata sunt:Commentaria super Evangelia totius anni.
Item in lingua Hispanica volumen in quatuor tomos divisum, seu sermones de los Evangelios de todo el anno, quorum unum Thomas Tamajus se vidisse testatur, cujus titulus erat: Espejo de la vida Christiana. Id est, sermones ab Adventu usque ad festum Pentecostes. Madriti apud Alphonsum Gomez.
Nicolaus Antonius Hispalensis in Bibliotheca Hispanica, tomo II, pag. 394, col. II.
Christianus Iöcher in universali Lexico Eruditorum, tomo II, col. 398. Lipsiae 1750.
Thomas de Herrera in Alphabeto Augustiniano, tomo II, pag. 251, col. II. Madriti 1644.
Philippus Elssius in Encomiastico Augustiniano, pag. 578. Bruxellis 1654.
**************************************************************
[P. 318]
de Esperanza Antonius, natione Lusitanus, Patria Olyssiponensis, Alumnus Provinciae Lusitaniae, Filius Coenobii Olyssiponensis, vixit Saeculo 16. Olyssipone die 18 Decembris anno 1568 Religiosus Ordinis nostri effectus est, et quia multis virtutibus ornatus erat, varias persecutiones a daemone passus, in quibus semper victoriam reportavit. Tandem post tot certamina die 10 Decembris anno 1634 ad aeternam coronam properavit. Ab eo in nostra Bibliotheca Olyssiponensi in lingua Lusitana conservatur:Tomus variorum Sermonum M. S.
Didacus Barbosa Machado in Bibliotheca Lusitana historica, critica, e cronologica, tomo I, pag. 261, col. I. Olyssipone 1741.
**************************************************************
Essebiensis Alexander
, natione Anglus, Patria Sommersetensis, Alumnus Provinciae Anglicanae, vixit Saeculo 13. Historiographus atque Theologus sui temporis nobilissimus, Ecclesistes eloquentissimus, Rhetor insignis, atque Poeta suae aetatis clarissimus. Ab ejus ingenio haec profecta:Liber de Sacris diebus.
Epitomen Britannicae historiae.
Vita Bertellini Eremitae.
Vita Cungeri Eremitae.
Festivale.
Compendium historiarum Bibliorum.
Confessio de peccatis.
Meditationes.
Liber de S. Agnete.
Epistolae et carmina.
Gerardus Vossius de Historicis latinis, libro II, cap. 58.
In Bibliotheca Conradi Gesneri per Josiam Simlerum recognita, et in duplum aucta, pag. 23, col. II. Tiguri 1574.
In eadem Bibliotheca per Joannem Jacobum Frisium ex Bibliotheca Caesarea Viennensi amplificata, pag. 26, col. II. Tiguri 1583.
Christianus Iöcher in universali Lexico Eruditorum, tomo I, col. 257. Lipsiae 1750.
**************************************************************
Estrix Joannes
, natione Germanus, Patria Belga, Alumnus Provinciae Belgicae, Filius Coenobii Mechliniensis, vixit Saculo 17. Vir pulchris animi dotibus exornatus, praecipue propter magnam experientiam in rebus agendis, variis Conventibus ut Prior praefectus fuit, [P. 319] exstititque Commissarius Generalis per Austriam. Typis publicavit:Vitam S. Thomae a Villa nova per Michaelem Salonium in idiomate Hispanico scriptam in Belgicum vertit. Antuerpiae 1660.
Librum Thomae a Jesu aerumnae Christi intitulatum in linguam Flandricam transtulit.
Nicolaus de Tombeur in Provincia Belgica Augustiniana, pag. 116. Lovanii 1727.
**************************************************************
de Estunica Didacus
, natione Hispanus, Patria Salmanticensis, Alumnus Provinciae Castellae, Filius Coenobii Salmanticensis, vixit Saeculo 16. S. Theologiae Doctor, e nobilissima familia Marchiorum de Flores Davila, moderatus est in Academia Ossunensi cathedram Theologicam anno 1573 et anno 1579. Vir tam humanis, quam divinis scientiis ornatissimus, nec non in litteris Hebraicis, Graecis, et Chaldaicis optime eruditus, magno Ordinem nostrum honore illustravit. Publicati ab eo habentur:Libri III de vera Religione.
Comment. in Zachariam Prophetam.
Comment. in Jobum, quibus ejus triplex editio vulgata Latina, Haebraea et Graeca septuaginta Interpretum, nec non et Chaldaea explicatur, et hoc opus Philippo II Hispaniarum Regi dicavit. Omnes hi libri anno Domini 1584 Toleti per Joannem Rodriquez impressi fuere. Postea anno 1591 Romae reimpressi. Item ibidem 1592, in 4.
Integer cursus Logicae, Physicae, et Metaphysicae.
Nicolaus Antonius Hispalensis in Bibliotheca Hispanica, tomo I, pag. 250, col. I.
Christianus Iöcher in universali Lexico Eruditorum, tomo IV, col. 2239. Lipsiae 1751.
Angelus Rocca, tomo II, pag. 113. Romae 1719.
Thomas Gratianus in Anastasi Augustiniana, pag. 61. Antuerpiae 1613.
Nicolaus Crusenius in Monastico Augustiniano, parte III, cap. 4. Monachii 1623.
Thomas de Herrera in Alphabeto Augustiniano, tomo I, pag. 201, col. II. Madriti 1644.
Philippus Elssius in Encomiastico Augustiniano, pag. 163. Bruxellis 1654.
Luigi Torelli ne’ Secoli Agostiniani, tomo VIII, carte 580, num. 15.
**************************************************************
Etonius Stephanus
, natione Anglus, Patria Eboracensis, Alumnus Provinciae Anglicanae, Filius Coenobii Waltrocensis, vixit Saeculo 14. Joannes Lelandus virum hunc tanquam insignem Historicum valde laudat. In Regem Eduardum II Patriamque suam summo ferebatur amore, et ideo quia videbat Rempublicam Regis desidia pessum iri, tanto afficiebatur dolore, ut calamum arriperet, et res ab Rege de anno in annum male gestas, Regisque inertiam describeret, sub titulo:Historia Angliae seu acta Regis Eduardi II.
Ioannes Pitseus de Scriptoribus Angliae.
[P. 320]Iosephus Nicolaus Harpsfeldius in historia Ecclesiastica Anglicana, Saeculo 14, cap. 38.
Thomas de Herrera in Alphabeto Augustiniano, tomo II, pag. 396, col. I. Madriti 1644.
Philippus Elssius in Encomiastico Augustiniano, pag. 638. Bruxellis 1654.
**************************************************************
Evangelista Bossius
, vide Lit. B. Bossius Evangelista.Evangelista Quadramus
, vide Lit. Q. Quadramus Evangelista.**************************************************************
Eugubinus Jacobus
, natione Italus, Alumnus Provinciae Spoletanae, Filius Coenobii Eugubini, vixit Saeculo 14. S. Theologiae Doctor, vir Patrum lectione dives, subtili ingenio praeditus, et ob doctrinam Theologicam semper in pretio habitus reliquit:Codicem M. S. variis tractatibus refertum. Exstat in Bibliotheca Angelica Romae.
Quaestiones disputatas, Paduae 1389.
Comment. in librum II et III sententiarum. Asservantur in nostra Bibliotheca Bononiae.
Thomas de Herrera in Alphabeto Augustiniano, tomo I, pag. 465, col. II. Madriti 1644.
Philippus Elssius in Encomiastico Augustiniano, pag. 312. Bruxellis 1654.
Luigi Torelli ne’ Secoli Agostiniani, tomo VI, carte 286, num. 21. In Bologna 1680.
**************************************************************
S. Evodius
, natione Africanus, Patria Tagastensis, vixit Saeculo V. Relictis studiis secutus est Martem, et ut miles baptismum suscepit, post baptismum factus est fidelis comes S. P. Augustini, et discipulus in vita Monastica, cujus professionem sectatus est. Egressus igitur Mediolano Romam, ad ostia Tiberina, inde in Africam cum S. Augustino transiit, ibi vitam monasticam, cujus fundamenta cum Alipio, et sociis in Italia jam jecerat, aedificato monasterio publice professus est. Ita S. P. Augustinus libro 9 Confessionum cap. 8: Qui habitare facis unanimes in domo, consociasti nobis et Evodium juvenem ex nostro municipio. Qui cum agens in rebus militaret, prior nobis ad te conversus est, et baptizatus, et relicta militia saeculari accinctus est in tua. Simul eramus, simul habitamus, placito sancto quaerebamus, quisnam locus utilius nos haberet serviente tibi. Pariter remeabamus in Africam. Verum non diu aura claustrali fruebatur, Ecclesiae enim Uzalensi in Africa praefectus fuit. In hac dignitate Concilio Carthaginensi intererat, a quo ad Honorium Imperatorem contra Donasticas, quos acerrime insectatus est, missus fuit. In hoc itinere Evodius, et Theasius ab haereticis graviter sunt caesi sed non ad mortem, ut Philippus Ferrarius Servita suo Martyrologio vult his verbis: [P. 321] in Africa S. Evodii Episcopi Uzalensis, et Martyris a Donatistis ob fidem catholicam occisi, primum enim die 16 Ocotobris anno 424 ex hac vita in coelum migravit. Ab eo habemus:Volumen de factis in Africa miraculis per Reliquias S. Stephani M.
Librum Epistolarum ad diversos.
In Bibliotheca Conradi Gesneri per Josiam Simlerum recognita, et in duplum aucta, pag. 189, col. II. Tiguri 1574.
In eadem Bibliotheca per Joannem Jacobum Frisium ex Bibliotheca Caesarea Viennensi amplificata, pag. 224, col. I. Tiguri 1583.
In Bibliotheca latina Alberti Fabricii per Ioannem Dominicum Mansi correcta, illustrata, et aucta, tomo II, col. II. Patavii 1754.
Wilhelmus Cave in historia litteraria de Scriptoribus Ecclesiasticis.
Casimirus Oudin de Scriptoribus Ecclesiasticis.
Christianus Iöcher in universali Lexico Eruditorum, tomo II, col. 437. Lipsiae 1750.
Guilielmus Eysengrein in Catalogo testium veritatis, pag. 36. Dilingae 1565.
Ioannes Trithemius de Scriptoribus Ecclesiasticis, pag. 66. Coloniae 1546.
Hieronymus Roman, centuria I.
Nicolaus Crusenius in Monastico Augustiniano, parte III, cap. 11. Monachii 1623.
Thomas de Herrera in Alphabeto Augustiniano, tomo I, pag. 206, col. I. Madriti 1644.
Philippus Elssius in Encomiastico Augustiniano, pag. 186. Bruxellis 1654.
Luigi Torelli ne’ Secoli Agostiniani, tomo I, carte 437, num. 5; carte 407, num. 1; carte 534, num. 27; carte 535, num 28. In Bologna 1659.
**************************************************************
Eusebius de Herrera
, Vide Lit. H. de Herrera Eusebius.**************************************************************
S. Eutropius
, discipulus, et auditor S. P. Augustini, vixit Saeculo 5. Erat teste Joanne Trithemio de Scriptoribus Ecclesisticis pag. 35. Vir religiosissimae conversationis, in divinis scripturis valde studiosus, et eruditus, atque in saecularibus litteris ad plenum instructus. Philippus Elssius scribit, quod fuerit Episcopus Arausicanus in Gallia, et fidei Christianae defensor insignis. Placide ad Deum migravit die 27 Maij anno 420. Fertur nonnulla composuisse Opera, e quibus exstant duo nobis titulo duntaxat nota, nempe:Epistolae II ad duas sorores ancillas Christi, quae ob devotionem et amorem Religionis ex haereditatae a parentibus. Ad has dictas litteras consolatorias non tantum ratione, sed etiam scripturarum testimoniis munitas scripsit.
Epitomen historiae Romanae ab urbe condita usque ad Joviniani mortem complectitur libros X.
Ioannes Trithemius de Scriptoribus Ecclesiasticis, pag. 35. Coloniae 1546. Ex officina Petri Quentel.
Guilielmus Eysengrein in Catalogo testium veritatis, fol. 36. Dilingae 1565, per Sebaldum Meyer.
[P. 322]Gennadius Massiliensis de Scriptoribus Ecclesisticis.
Christianus Iöcher in universali Lexico Eruditorum, tomo II, col. 448. Lipsiae 1751.
Philippus Elssius in Encomiastico Augustiniano, pag. 188. Bruxellis 1654.
**************************************************************